ദേശീയ ഗാനത്തോട് അനാദരവ് കാണിച്ചെന്ന് ആരോപിച്ച് ബോളിവുഡ് താരം കരീന കപൂറിനെതിരെ സംഘപരിവാർ അനുകൂലികളുടെ വിമർശനം. ‘ജാനെ ജാൻ’ എന്ന കരീനയുടെ പുതിയ ചിത്രത്തിന്റെ പ്രൊമോഷൻ പരിപാടിയ്ക്കിടെയായിരുന്നു സംഭവം.
ചിത്രത്തിന്റെ പ്രൊമോഷൻ പരിപാടി ആരഭിക്കുന്നതിന് മുൻപ് ദേശീയ ഗാനം പ്രക്ഷേപണം ചെയ്തപ്പോൾ കൂടെയുള്ളവർക്കൊപ്പം താരവും എഴുന്നേറ്റ് നിന്നിരുന്നു. എന്നാൽ ദേശീയ ഗാനം ആലപിക്കുമ്പോൾ അശ്രദ്ധമായും അനാദരവോട് കൂടിയും നിന്നുവെന്നാണ് താരത്തിന് നേരെയുയരുന്ന പ്രധാന വിമർശനം.
അറ്റൻഷൻ ആയി നിൽക്കുന്നതിന് പകരം, കൈ കൂട്ടിപ്പിടിച്ചാണ് താരം നിന്നതെന്നും, ഇവിടെയും അഭിനയം തന്നെയാണോ, ഇതിനെ പറ്റിയൊന്നും താരത്തിന് അറിയില്ലേ എന്നൊക്കെയാണ് ചോദ്യങ്ങൾ. ഫിൽമി ഗ്യാൻ എന്ന ഇൻസ്റ്റഗ്രാം ഹാൻഡിലിലാണ് വീഡിയോ പങ്കുവെച്ചിരിക്കുന്നത്.
View this post on Instagram
ചിത്രം ‘ജാനെ ജാനെ’യുടെ ട്രെയിലർ കഴിഞ്ഞ ആഴ്ചയാണ് റിലീസ് ചെയ്തത്. ജാപ്പനീസ് എഴുത്തുക്കാരനായ കീഗോ ഹിഗാഷിനോയുടെ നോവലായ ‘സസ്പെക്ട് എക്സ്’ ആസ്പദമാക്കിയാണ് സിനിമ നിർമ്മിക്കുന്നത്. ചിത്രം സെപ്റ്റംബർ 21 ന് നെറ്റ്ഫ്ലിക്സിൽ റിലീസ് ചെയ്യും.