ദിലീപ്-നാദിര്ഷ കൂട്ടുകെട്ടിന്റെ “കേശു ഈ വീടിന്റെ നാഥന്” എന്ന ചിത്രം കഴിഞ്ഞ ദിവസം കൊച്ചിയില് ആംരഭിച്ചിരുന്നു. വളരെ വ്യത്യസ്തമായ ഒരു പ്രമേയത്തില് ഒരുങ്ങുന്ന ചിത്രത്തില് തൊണ്ണൂറുകാരനായി ദിലീപ് എത്തുമെന്നാണ് റിപ്പോര്ട്ടുകള്. ഉര്വശിയാണ് ദിലീപിന്റെ ഭാര്യ വേഷത്തില് എത്തുന്നത്. തണ്ണീര്മത്തന് ദിനങ്ങളിലൂടെ ശ്രദ്ധേയനായ നസ്ലിനും ജൂണ് ഫെയിം വൈഷ്ണവിയും ഇരുവരുടെയും മക്കളായി അഭിനയിക്കുന്നു.
“തൊണ്ടിമുതലും ദൃക്സാക്ഷിയും” എന്ന ചിത്രത്തിന് തിരക്കഥ എഴുതിയ സജീവ് പാഴൂരാണ് “കേശു ഈ വീടിന്റെ നാഥന്റെ” തിരക്കഥാകൃത്ത്. സിദ്ദീഖ്, സലീം കുമാര്, ഹരിശ്രീ അശോകന്, കലാഭവന് ഷാജോണ്, ഹരീഷ് കണാരന്, ശ്രീജിത്ത് രവി, ജാഫര് ഇടുക്കി, കോട്ടയം നസീര്, ഗണപതി, സാദ്ദീഖ്, പ്രജോദ് കലാഭവന്, ഏലൂര് ജോര്ജ്, ബിനു അടിമാലി, അരുണ് പുനലൂര്, രമേശ് കുറുമശ്ശേരി, കൊല്ലം സുധി, നന്ദു പൊതുവാള്, അര്ജുന്, ഹുസൈന് ഏലൂര്, ഷൈജോ അടിമാലി, അനുശ്രീ, വൈഷ്ണവി, സ്വാസിക, മഞ്ജു പത്രോസ്, നേഹ റോസ്, സീമാ ജി. നായര്, വത്സല മേനോന്, അശതി തുടങ്ങിയ വന്താരനിര ചിത്രത്തിലണിനിരക്കുന്നു.
നാദ് ഗ്രൂപ്പ് നിര്മ്മിക്കുന്ന ഈ ചിത്രത്തിന്റെ ഛായാഗ്രഹണം അനില് നായര് നിര്വഹിക്കുന്നു. ബി.കെ. ഹരിനാരായണന്, ജ്യോതിഷ്, നാദിര്ഷ എന്നിവരുടെ വരികള്ക്ക് നാദിര്ഷ തന്നെ സംഗീതം പകരുന്നു.