“പൊറിഞ്ചു മറിയം ജോസി”ന് ശേഷം ജോഷി സംവിധാനം ചെയ്യാനൊരുങ്ങുന്ന ദിലീപ് ചിത്രത്തിന് “ഓണ്‍ എയര്‍” എന്ന് പേരിട്ടു. മാധ്യപ്രവര്‍ത്തകനായാണ് ദിലീപ് ചിത്രത്തില്‍ വേഷമിടുന്നത്. അടുത്ത വര്‍ഷം ജനുവരിയില്‍ ഷൂട്ടിങ് ആരംഭിക്കും. നവാഗതനായ അരുണും നിരഞ്ജനും ചേര്‍ന്ന് രചന നിര്‍വഹിക്കുന്ന ചിത്രം ജാഫേഴ്‌സ് പ്രൊഡക്ഷന്‍സിന്റെ ബാനറില്‍ സജിന്‍ ജാഫര്‍ ആണ് നിര്‍മ്മിക്കുന്നത്.
ദിലീപ്-ജോഷി കൂട്ടുകെട്ടിലൊരുങ്ങിയ 2004ല്‍ എത്തിയ “റണ്‍വേ” എന്ന ചിത്രത്തിന്റെ രണ്ടാം ഭാഗം ഒരുക്കാനും പദ്ധതിയുണ്ട്. ഉദയ് കൃഷ്ണയാണ് ചിത്രത്തിന് തിരക്കഥ ഒരുക്കുന്നത്. ജോഷി സംവിധാനം ചെയ്ത “റണ്‍വേ”, “ലയണ്‍” എന്നീ ചിത്രങ്ങളിലാണ് ദിലീപ് അഭിനയിച്ചിട്ടുള്ളത്.
ജോഷി ഒരുക്കിയ “ട്വന്റി 20” എന്ന ചിത്രം നിര്‍മ്മിച്ചത് ദിലീപ് ആണ്. സുഗീത് ഒരുക്കുന്ന “മൈ സാന്റ” എന്ന ചിത്രത്തിന്റെ തിരക്കിലാണ് ദിലീപ് ഇപ്പോള്‍. നാദിര്‍ഷ ഒരുക്കുന്ന “കേശു ഈ വീടിന്റെ നാഥന്‍” എന്ന ചിത്രത്തിലും ദിലീപ് എത്തുന്നുണ്ട്.