തന്റെ പുതിയ ചിത്രം പ്രഖ്യാപിച്ച് സംവിധായകന് ആര്.എസ് വിമല് രംഗത്ത് . മലയാളത്തിലെ പ്രിയപ്പെട്ട സൂപ്പര് താരമാണ് നായകനാകുന്നതെന്നും സിനിമയുടെ പേര് ധർമ്മരാജ്യ എന്നാണെന്നുംഅദ്ദേഹം കുറിച്ചു.
‘തിരുവനന്തപുരം ശ്രീ പത്മനാഭ സ്വാമിക്ക് സമര്പ്പണം. തിരുവിതാംകൂര് രാജ്യത്തിന്റെ പശ്ചാത്തലത്തില് ചരിത്രത്തില് നിന്നും ഒരു നായക കഥാപാത്രം പുനര്സൃഷ്ടിക്കപ്പെടുന്നു. മലയാളത്തിലെ പ്രിയപ്പെട്ട സൂപ്പര് താരം ആ കഥാപാത്രമാകുന്നു.
ധര്മ്മരാജ്യ. VIRTUAL PRODUCTION ന്റെ സഹായത്തോടെ ലണ്ടനില് ചിത്രീകരിക്കുന്ന ആദ്യ ഇന്ത്യന് സിനിമ…. മലയാളം, ഹിന്ദി, തമിഴ്, തെലുഗു ഭാഷകളിലാണ് ചിത്രം നിര്മ്മിക്കുക. ശ്രീ പത്മനാഭന് പ്രാര്ത്ഥനകളോടെ’ വിമൽ കുറിച്ചു.
എന്നു നിന്റെ മൊയ്തീൻ എന്ന സിനിമയിലൂടെ മലയാള സിനിമയിൽ അരങ്ങേറ്റം കുറിച്ച വിമൽ ഇപ്പോൾ ബഹുഭാഷാ ചിത്രമായ കർണന്റെ പണിപ്പുരയിലാണ്.