വെടിക്കെട്ട് ആക്ഷന് രംഗങ്ങളുമായി ധനുഷിന്റെ ‘ക്യാപ്റ്റന് മില്ലര്’ ട്രെയ്ലര്. പ്രേക്ഷകര്ക്ക് മികച്ച തിയേറ്റര് അനുഭവമായിരിക്കും ചിത്രം നല്കുകയെന്നാണ് ട്രെയിലര് സൂചിപ്പിക്കുന്നത്. വിപ്ലവ നായകനായാണ് ക്യാപ്റ്റന് മില്ലറില് ധനുഷ് എത്തുന്നത്. ധനുഷിന്റെ കരിയറിലെ 47-ാമത് ചിത്രമാണ് ക്യാപ്റ്റന് മില്ലര്.
ക്യാപ്റ്റന് മില്ലര് എന്ന പട്ടാളക്കാരനായി ഒരു ലുക്കിലും പിന്നീട് മുടി നീട്ടി വളര്ത്തിയ രണ്ട് ലുക്കുകളിലുമാണ് ധനുഷ് എത്തുന്നത്. കന്നഡ സൂപ്പര്താരം ശിവരാജ് കുമാറും ഒരു പ്രധാനവേഷത്തിലുണ്ട്. ജി.വി പ്രകാശ് കുമാര് ആണ് ചിത്ത്രിന് സംഗീത ഒരുക്കുന്നത്.
ആക്ഷന് ഡ്രാമയായി ഒരുങ്ങുന്ന ചിത്രത്തില് പ്രിയങ്ക അരുള് മോഹന്, ജയപ്രകാശ്, സുന്ദിപ് കിഷന്, വിനോദ് കിഷന്, ജോണ് കൊക്കെന്, കാളി വെങ്കട്ട്, അദിതി ബാലന്, നിവേദിത സതീഷ് എന്നിവര് പ്രധാന കഥാപാത്രങ്ങളെ അവതരിപ്പിക്കുന്നു.
സൗണ്ട് മിക്സിങ് രാജാ കൃഷ്ണനും നിര്വഹിക്കുന്നു. ഡിഓപി സിദ്ധാര്ത്ഥ നൂനി, എഡിറ്റര് നാഗൂരന് രാമചന്ദ്രന്. മദന് കര്ക്കിയാണ് സംഭാഷണം. സത്യജ്യോതി ബാനറില് ടി ജി നാഗരാജന് അവതരിപ്പിക്കുന്ന ചിത്രം നിര്മിക്കുന്നത് സെന്തില് ത്യാഗരാജനും അര്ജുന് ത്യാഗരാജനുമാണ്. ചിത്രം ഈ മാസം 12-ന് തിയേറ്ററുകളിലെത്തും.