ചെന്നൈ കുടുംബക്കോടതിയില് വിവാഹമോചനത്തിന് അപേക്ഷ നല്കിയ ഐശ്വര്യ രജനികാന്തും ധനുഷും. പരസ്പര സമ്മതത്തോടെയുള്ള വിവാഹമോചനം – സെക്ഷന് 13 ബി പ്രകാരമാണ് ഹര്ജി സമര്പ്പിച്ചിരിക്കുന്നത്. 2022ല് വേര്പിരിയല് പ്രഖ്യാപിച്ച താരങ്ങള് രണ്ട് വര്ഷത്തിന് ശേഷമാണ് തങ്ങളുടെ വിവാഹമോചന ഹര്ജി ഇപ്പോള് നല്കിയിരിക്കുന്നത്.
2022 ജനുവരിയില് ആയിരുന്നു ധനുഷും ഐശ്വര്യയും എക്സ് പോസ്റ്റുകളിലൂടെ വിവാഹമോചനത്തെ കുറിച്ച് അറിയിച്ചത്. ഇത് ആരാധകരില് ഞെട്ടലുണ്ടാക്കിയിരുന്നു. കഴിഞ്ഞ രണ്ട് വര്ഷമായി ഇരുവരും വേര്പിരിഞ്ഞാണ് താമസിക്കുന്നത്. 18 വര്ഷത്തെ ദാമ്പത്യത്തിന് ശേഷമാണ് ഇരുവരും വേര്പിരിഞ്ഞത്.
പ്രഖ്യാപനത്തിന് ശേഷം അവരുടെ മക്കളായ യാത്രയുടെയും ലിംഗയുടെയും സ്കൂള് പരിപാടികളിലും ഇരുവരെയും കണ്ടിരുന്നു. അതുകൊണ്ട് തന്നെ പിരിഞ്ഞതിന് ശേഷം ധനുഷും ഐശ്വര്യ രജനികാന്തും വീണ്ടുമൊന്നിക്കുന്നു എന്ന തരത്തില് ഒരുപാട് വാര്ത്തകള് ഈയടുത്ത് പ്രചരിച്ചിരുന്നു.
രജനികാന്ത് ആണ് രണ്ടുപേരെയും ഒന്നിപ്പിക്കാന് ചര്ച്ചകള് നടത്തുന്നത് എന്ന തരത്തിലും വാര്ത്തകള് പ്രചരിച്ചിരുന്നു. ഒന്നിച്ച് ജീവിക്കുന്നില്ലെങ്കിലും പരസ്പര ബഹുമാനത്തോടെയാണ് ധനുഷും ഐശ്വര്യയും മുന്നോട്ട് പോയി കൊണ്ടിരുന്നത്.
വേര്പിരിയലിന് ശേഷം ഐശ്വര്യ സിനിമയില് സജീവമായിരുന്നു. ലാല് സലാം എന്ന ചിത്രം ഒരുക്കിയെങ്കിലും വിജയിച്ചില്ല. എന്നാല് സിനിമയ്ക്കായി ചിത്രീകരിച്ച ഭാഗങ്ങള് നഷ്ടപ്പെട്ടതിനാല് തട്ടിക്കൂട്ടി റിലീസ് ചെയ്യുകയായിരുന്നു എന്നായിരുന്നു ഇതിന് വിശദീകരണമായി ഐശ്വര്യ പറഞ്ഞത്.