ബോളിവുഡ് തമാശപ്പടങ്ങളെ അനുസ്മരിപ്പിക്കുന്ന ധമാക്കയുടെ വ്യത്യസ്തമായ പുതിയ പോസ്റ്റര് പുറത്തിറങ്ങി. ഗര്ഭിണികളായ രണ്ട് സ്ത്രീകഥാപാത്രങ്ങളും, നായകന്മാരും ഉള്പ്പെട്ട പുതിയ പോസ്റ്ററാണ് പുറത്തുവിട്ടിരിക്കുന്നത്. ഉര്വ്വശി, നിക്കി ഗല്റാണി, മുകേഷ്, അരുണ് കുമാര് എന്നിവരാണ് പോസ്റ്ററില് ഉള്ളത്. പോസ്റ്റര് ഇതിനോടകം സോഷ്യല് മീഡിയയില് വൈറലായിട്ടുണ്ട്.
ഹാപ്പിംഗ് വെഡ്ഡിംഗ്, ചങ്ക്സ്, അഡാര് ലവ് എന്നീ ചിത്രങ്ങള്ക്ക് ശേഷം ഒമര് ലുലു സംവിധാനം ചെയ്യുന്ന ചിത്രമാണ് “ധമാക്ക”. ഒളിമ്പ്യന് അന്തോണി ആദത്തിലൂടെ ബാലതാരമായി അരങ്ങേറ്റം കുറിച്ച ടോണി ഐസക് എന്ന കഥാപാത്രമായി എല്ലാവരെയും വിസ്മയിപ്പിച്ച അരുണ് ആണ് ധമാക്കയിലെ നായകന്. നിക്കി ഗല്റാണിയാണ് നായിക. സലിം കുമാര്, ഇന്നസെന്റ്, സാബുമോന്, മുകേഷ്, ഉര്വ്വശി, നേഹ, ഹരീഷ് കണാരന്, ധര്മജന് ബോള്ഗാട്ടി, ഷാലിന് സോയ തുടങ്ങി വന്താരനിരയാണ് ചിത്രത്തില് അണിനിരക്കുന്നത്.
ഗുഡ് ലൈന് പ്രൊഡക്ഷന്സ് അവതരിപ്പിക്കുന്ന ധമാക്ക എം കെ നാസര് ആണ് നിര്മ്മിക്കുന്നത്. സാരംഗ് ജയപ്രകാഷ്, വേണു ഓവി കിരണ് ലാല് എന്നിവര് ചേര്ന്നാണ് തിരക്കഥയും സംഭാഷണവും ഒരുക്കുന്നത്. ഡിസംബര് 20 ന് ചിത്രം തിയേറ്ററുകളിലെത്തും.