ദക്ഷിണേന്ത്യന്‍ സിനിമകളിലെ ഒട്ടു മിക്ക സൂപ്പര്‍ താരങ്ങളുടെ ഒപ്പവും അഭിനയിച്ചിട്ടുള്ള നടനാണ് ദേവന്‍. വില്ലനായും സ്വഭാവ നടന്‍ ആയും തിളങ്ങിയ അദ്ദേഹം ഇപ്പോഴിതാ മരിച്ചു പോയ ക്യാപ്റ്റന്‍ രാജു എന്ന നടനുമായുള്ള ആത്മബന്ധത്തെ കുറിച്ച് പറയുകയാണ്.
“”ഞാന്‍ സിനിമയില്‍ എന്റെ കരിയര്‍ തുടങ്ങുന്ന സമയത്തു ഒരിക്കല്‍ രാജു ചേട്ടന്‍ വിളിച്ചു പറഞ്ഞു, “ഡാ ഒരു സ്ഥലമുണ്ട് വീട് വെയ്ക്കാന്‍ നോക്കുന്നോ” എന്ന്. “ആഗ്രഹം മാത്രമായുണ്ടായിട്ടു കാര്യമില്ലല്ലോ, കയ്യില്‍ പൈസ കൂടി വേണ്ടേ” എന്നായിരുന്നു എന്റെ മറുപടി?. “അതൊക്കെ ശരിയാകുമെടാ” എന്ന് പറഞ്ഞു ഞാന്‍ താമസിക്കുന്നിടത്ത് വന്നു എന്നെ കാറില്‍ പിടിച്ചു കയറ്റി. അങ്ങനെ ഞങ്ങള്‍ ഒന്നിച്ച് രാജു ചേട്ടന്‍ പറഞ്ഞ സ്ഥലം കാണാന്‍ പോയി. രാജു ചേട്ടന്റെ കയ്യില്‍ നിന്ന് പതിനായിരം രൂപ അഡ്വാന്‍സ് കൊടുത്ത് അത് കരാറാക്കി. ആ സ്ഥലത്താണ് ഞാന്‍ ആദ്യമായി ഒരു വീട് വെയ്ക്കുന്നത്. ജീവിതത്തില്‍ എനിക്ക് ഒരിക്കലും വിസ്മരിക്കാന്‍ കഴിയാത്ത വ്യക്തിയാണ് അദ്ദേഹം””.
ഒരു നല്ല നടന്‍ മാത്രമായിരുന്നില്ല വലിയ മനസ്സുള്ള ഒരു മനുഷ്യന്‍ കൂടിയായിരുന്നു ക്യാപ്റ്റന്‍ രാജു എന്നും ദേവന്‍ പറയുന്നു.
