‘ദളപതി 68’ ന് വേണ്ടിയുള്ള കാത്തിരിപ്പിലാണ് വിജയ് ആരാധകര്. ചിത്രം വെങ്കട് പ്രഭു സംവിധാനം ചെയ്തേക്കുമെന്നാണ് റിപ്പോര്ട്ട്. നിരവധി പേരാണ് ഈ വാര്ത്ത പങ്കുവെച്ചിരിക്കുന്നത്. എന്നാല് വിഷയത്തില് ഔദ്യോഗിക പ്രഖ്യാപനമുണ്ടായിട്ടുമില്ല. ഇപ്പോഴിതാ സിനിമയെക്കുറിച്ച് മറ്റൊരു അമ്പരപ്പിക്കുന്ന വാര്ത്തയാണ് സോഷ്യല് മീഡിയയില് പരക്കുന്നത്.
ചില തമിഴ് മാധ്യമങ്ങളെ ഉദ്ധരിച്ചാണ് വാര്ത്ത വരുന്നത്. വിജയ് ഈ ചിത്രത്തിന് 150 കോടി പ്രതിഫലം വാങ്ങിയതായി റിപ്പോര്ട്ടുകള് സൂചിപ്പിക്കുന്നു. എജിഎസ് എന്റര്ടെയ്മെന്റാണ് ചിത്രം നിര്മ്മിക്കുന്നത് എന്നാണ് വിവരം. വിജയ് നായകനായി അറ്റ്ലി സംവിധാനം ചെയ്ത ബിഗില് നിര്മ്മിച്ച പ്രൊഡക്ഷനാണ് എജിഎസ്.
ബോക്സ് ഓഫീസ് പ്രകടനം പരിഗണിക്കാതെ തന്നെ വിജയ് സിനിമ നോണ് തീയറ്റര് റൈറ്റുകളിലൂടെ നല്ല ലാഭം ഉറപ്പാക്കുന്ന അവസ്ഥയിലാണ് ഇത്രയും വലിയ പ്രതിഫലത്തിലേക്ക് വിജയിയെ എത്തിക്കുന്നത് എന്നാണ് കോളിവുഡ് വൃത്തങ്ങള് പറയുന്നത്. എന്തായാലും 150 കോടി പ്രതിഫലത്തില് വെങ്കട്ട് പ്രഭുവിനൊപ്പം വിജയ് ഒരു ചിത്രത്തില് സഹകരിക്കുന്നു എന്ന വാര്ത്ത വലിയ തോതില് കോളിവുഡില് ചര്ച്ചയാകുകയാണ്.
വാരിസിന്റെ വിജയത്തിന് പിന്നാലെ ഒരു തെലുങ്ക് സംവിധായകനൊപ്പം ഒരു തെലുങ്ക് ചിത്രം വിജയ് പരിഗണിക്കുന്നതായി റിപ്പോര്ട്ടുകള് ഉണ്ടായിരുന്നു, എന്നാല് പുതിയ വെങ്കിട് പ്രഭു ചിത്രം ഏതാണ്ട് ഉറപ്പായതോടെ ഇത് ഉപേക്ഷിച്ചുവെന്നാണ് വിവരം. ആര് ബി ചൗധരിയാണ് നേരത്തെ കേട്ടിരുന്ന ചിത്രം നിര്മ്മിക്കാന് ഒരുങ്ങിയത് എന്നാണ് വിവരം. എന്നാല് ഇതിന്റെ തിരക്കഥ വിജയ്ക്ക് ഇഷ്ടമായില്ലെന്നാണ് വിവരം.
ലോകേഷ് കനകരാജ് സംവിധാനം ചെയ്യുന്ന ചിത്രം ‘ലിയോ’യാണ് വിജയ്യുടേതായി ചിത്രീകരണം ഇപ്പോള് പുരോഗമിക്കുന്നത്. ‘ലിയോ’യുടെ പ്രമേയം എന്തെന്ന് പുറത്തുവിട്ടിട്ടില്ല. തൃഷ ആണ് ചിത്രത്തില് നായിക. ഗൗതം വാസുദേവ് മേനോന്, അര്ജുന്, മാത്യു തോമസ്, മിഷ്കിന്, സഞ്ജയ് ദത്ത്, പ്രിയ ആനന്ദ്, ബാബു ആന്റണി എന്നിവരും ലോകേഷ് കനകരാജ് സംവിധാനം ചെയ്യുന്ന വിജയ് ചിത്രത്തില് പ്രധാന കഥാപാത്രങ്ങളായി വേഷമിടുന്നു.