കോവിഡ് 19 പ്രതിസന്ധി തുടരവെ രാജ്യം സമ്പൂര്ണ ലോക്ഡൗണിലാണ്. ഇതിനിടെ ഗുരുഗ്രാമിലെ ചേരിയില് 250 കുടുംബങ്ങള്ക്ക് ഭക്ഷണം എത്തിച്ച് നല്കുകയാണ് നടി രാകുല് പ്രീത് സിംഗ്. രാകുലിന്റെ കുടുംബം വീട്ടില് തന്നെയാണ് ഭക്ഷണമുണ്ടാക്കുന്നത്. ഒരു ദിവസം രണ്ടു തവണയാണ് ഭക്ഷണം കൊടുക്കുന്നത്.
തന്റെ ജീവകാരുണ്യ പ്രവര്ത്തനത്തെക്കുറിച്ച് സംസാരിക്കാന് ഇഷ്ടപ്പെടുന്നില്ലെന്നും എന്നാല് നിലവിലെ സാഹചര്യം കണ്ട് ലോക്ക്ഡൗണ് അവസാനിക്കുന്നതുവരെ അല്ലെങ്കില് കൂടുതല് മുന്നോട്ട് പോയാലും ഈ സംരംഭം തുടരാന് രാകുലും അച്ഛനും തീരുമാനിച്ചിട്ടുണ്ടെന്നും ടൈംസ് ഓഫ് ഇന്ത്യയോട് രാകുല് പറഞ്ഞു.
രാകുലിന്റെ ഫാന്സ് നടത്തുന്ന ഭക്ഷണ വിതരണത്തിന്റെ ചിത്രങ്ങള് ഷെയര് ചെയ്ത് “”ഇതില് ഞാന് അഭിമാനിക്കുന്നു… നന്ദി! ദൈവം നിങ്ങളെ അനുഗ്രഹിക്കട്ടെ, സുരക്ഷിതരായി തുടരുക”” എന്ന് രാകുല് ട്വീറ്റ് ചെയ്തിട്ടുണ്ട്.