ലോകമെമ്പാടുമുള്ള തിയേറ്ററുകളില് മികച്ച പ്രതികരണം നേടി മുന്നേറുകയാണ് അവഞ്ചേഴ്സ്: എന്ഡ് ഗെയിം. ചിത്രത്തിന് ഇന്ത്യയിലും മികച്ച അഭിപ്രായമാണ് ലഭിക്കുന്നത്. ഇന്ത്യയില് നിന്ന് ആദ്യ ദിനം 53 കോടി നേടിയ അവഞ്ചേഴ്സിന് പക്ഷേ ബാഹുബലിയുടെ മുന്നില് മുട്ടുമടക്കേണ്ടി വന്നു.
ചിത്രത്തിന്റെ റെക്കോര്ഡ് ഭേദിക്കാന് അവഞ്ചേഴ്സിന് കഴിഞ്ഞില്ല. ബാഹുബലി രണ്ടാം ഭാഗം ഇന്ത്യയില് നിന്ന് മാത്രമായി ആദ്യ ദിനം നേടിയത് 152 കോടി രൂപയാണ്. ചൈനയിലും അവഞ്ചേഴ്സിന് വലിയ പ്രതികരണമാണ് ലഭിച്ചത്. ഒന്നാം ദിവസം 750 കോടി രൂപയിലധികമാണ് അവഞ്ചേഴ്സ് സ്വന്തമാക്കിയത്.
സിനിമ കണ്ടുകഴിഞ്ഞവരില് ചിലരെങ്കിലും അതിന്റെ കഥയും സസ്പന്സുമൊക്കെ ഓണ്ലൈനില് പരസ്യപ്പെടുത്തി സിനിമയെ തകര്ക്കാന് ശ്രമിക്കുന്നുമുണ്ട്.
അവഞ്ചേഴ്സ് സീരിസിലെ അവസാന ഭാഗമായ “അവഞ്ചേര്സ് എന്ഡ് ഗെയിം” സംവിധാനം ചെയ്യുന്നത് റസ്സോ സഹോദരന്മാരെന്ന് അറിയപ്പെടുന്ന ജോ റസ്സോയും ആന്റണി റസ്സോയും ചേര്ന്നാണ്. “അവഞ്ചേര്സ് ഇന്ഫിനിറ്റി വാറിലെ” സംഭവങ്ങളുടെ തുടര്ച്ചയാണ് “അവഞ്ചേര്സ് എന്ഡ് ഗെയിം”.