ഒരു നീണ്ട ഇടവേളയ്ക്ക് ശേഷം ഈസ്റ്റ് കോസ്റ്റ് വിജയന് സംവിധാനം ചെയ്യുന്ന ചിത്രമാണ് ചില ന്യൂജെന് നാട്ടുവിശേഷങ്ങള്. പ്രണയത്തിനും ഹാസ്യത്തിനും സംഗീതത്തിനും ഒരു പോലെ പ്രധാന്യം നല്കിയൊരുക്കുന്ന സിനിമയിലെ ശങ്കര് മഹാദേവന്റെ എക്സ്ക്ലൂസീവ് വീഡിയോ ഗാനം സുരാംഗന നാളെ വൈകുന്നേരം 6 മണിയ്ക്ക് റിലീസ് ചെയ്യും.
എം. ജയചന്ദ്രന് നീണ്ട പത്ത് വര്ഷങ്ങള്ക്കു ശേഷം വീണ്ടും ഈസ്റ്റ് കോസ്റ്റുമായി ഒന്നിക്കുന്ന ചിത്രമെന്ന പ്രത്യേകതയും ചില ന്യൂജെന് നാട്ടുവിശേഷങ്ങള്ക്കുണ്ട്. എം. ജയചന്ദ്രന് ഈണമിട്ട അഞ്ച് ഗാനങ്ങളാണ് ചിത്രത്തില് ഉള്ളത്. സന്തോഷ് വര്മ, ഈസ്റ്റ് കോസ്റ്റ് വിജയന് എന്നിവരുടെതാണ് വരികള്. ചിത്രത്തിലെ ഗാനങ്ങള് ആലപിച്ചിരിക്കുന്നത് ഗാനഗന്ധര്വ്വന്, യേശുദാസ്, ശങ്കര് മഹാദേവന്, പി. ജയചന്ദ്രന്, എം.ജി ശ്രീകുമാര്, ശ്രേയാ ഘോഷാല് എന്നിവരാണ്.
പുതുമുഖങ്ങളായ അഖില് പ്രഭാകര് ,ശിവകാമി, സോനു എന്നിവരാണ് പ്രധാനകഥാപാത്രങ്ങളെ അവതരിപ്പിക്കുന്നത്. പ്രണയവും ഹാസ്യവും ഇഴചേര്ന്ന ചിത്രത്തിന്റെ തിരക്കഥ ഒരുക്കുന്നത് എസ്.എല് പുരം ജയസൂര്യയാണ്. ഛായാഗ്രഹണം അനില് നായര് നിവഹിക്കുന്നു. രഞ്ജന് എബ്രഹാം എഡിറ്റിംഗ് നിര്വ്വഹിക്കുന്ന ചിത്രത്തിന്റെ പ്രൊഡക്ഷന് കണ്ട്രോളര് ജിത്ത് പിരപ്പന്കോടാണ്. കലാസംവിധാനം :ബോബന്, വസ്ത്രാലങ്കാരം : അരുണ് മനോഹര്.
