ഒരു നീണ്ട ഇടവേളയ്ക്ക് ശേഷം ഈസ്റ്റ് കോസ്റ്റ് വിജയന് സംവിധാനം ചെയ്യുന്ന ചിത്രമാണ് ചില ന്യൂജെന് നാട്ടുവിശേഷങ്ങള്. ചിത്രം ഒരുറൊമാന്റിക് കോമഡി എന്റര്ടെയ്നറാണെന്നാണ് ട്രെയിലര് നല്കുന്ന സൂചന. അതേസമയം ശങ്കര് മഹാദേവന് ആലപിച്ച സുരാംഗന എന്ന് തുടങ്ങുന്ന കല്ല്യാണപാട്ട് സോഷ്യല് മീഡിയയില് ശ്രദ്ധേയമാകുകയാണ്.
വിവാഹവും ആഘോഷവുമാണ് ഗാനത്തിന്റെ പ്രമേയം. “ശങ്കര് മഹാദേവന്റെ ശബ്ദത്തില് അടിപൊളി ഗാനം” എന്നാണ് ആസ്വാദകരുടെ പ്രതികരണം. പുതുമുഖങ്ങളെ കേന്ദ്ര കഥാപാത്രങ്ങളാക്കി ഈസ്റ്റ് കോസ്റ്റ് വിജയന് സംവിധാനം ചെയ്യുന്ന ചിത്രമാണ് “ചില ന്യൂജെന് നാട്ടുവിശേഷങ്ങള്”.
എം. ജയചന്ദ്രന് നീണ്ട പത്ത് വര്ഷങ്ങള്ക്കു ശേഷം വീണ്ടും ഈസ്റ്റ് കോസ്റ്റുമായി ഒന്നിക്കുന്ന ചിത്രമെന്ന പ്രത്യേകതയും ചില ന്യൂജെന് നാട്ടുവിശേഷങ്ങള്ക്കുണ്ട്. എം. ജയചന്ദ്രന് ഈണമിട്ട അഞ്ച് ഗാനങ്ങളാണ് ചിത്രത്തില് ഉള്ളത്. സന്തോഷ് വര്മ, ഈസ്റ്റ് കോസ്റ്റ് വിജയന് എന്നിവരുടെതാണ് വരികള്. ചിത്രത്തിലെ ഗാനങ്ങള് ആലപിച്ചിരിക്കുന്നത് ഗാനഗന്ധര്വ്വന്, യേശുദാസ്, ശങ്കര് മഹാദേവന്, പി. ജയചന്ദ്രന്, എം.ജി ശ്രീകുമാര്, ശ്രേയാ ഘോഷാല് എന്നിവരാണ്.
പുതുമുഖങ്ങളായ അഖില് പ്രഭാകര് ,ശിവകാമി, സോനു എന്നിവരാണ് പ്രധാനകഥാപാത്രങ്ങളെ അവതരിപ്പിക്കുന്നത്. പ്രണയവും ഹാസ്യവും ഇഴചേര്ന്ന ചിത്രത്തിന്റെ തിരക്കഥ ഒരുക്കുന്നത് എസ്.എല് പുരം ജയസൂര്യയാണ്. ഛായാഗ്രഹണം അനില് നായര് നിവഹിക്കുന്നു. രഞ്ജന് എബ്രഹാം എഡിറ്റിംഗ് നിര്വ്വഹിക്കുന്ന ചിത്രത്തിന്റെ പ്രൊഡക്ഷന് കണ്ട്രോളര് ജിത്ത് പിരപ്പന്കോടാണ്. കലാസംവിധാനം :ബോബന്, വസ്ത്രാലങ്കാരം : അരുണ് മനോഹര്.