കലാഭവന് ഷാജോണിന്റെ കന്നിസംവിധാനസംരംഭം ബ്രദേഴ്സ് ഡേയിലെ ചെല്ലം എന്ന് തുടങ്ങുന്ന പുതിയ ഗാനമാണ് ഇപ്പോള് സോഷ്യല് മീഡിയയില് ചര്ച്ചയാവുന്നത്.
ബി കെ ഹരിനാരായണന്റെ വരികള്ക്ക് ഫോര് മ്യൂസിക്സ് ടീം ഈണം നല്കിയിരിക്കുന്ന ഈ ഗാനം ആലപിച്ചിരിക്കുന്നത് അഭിജിത്ത് കൊല്ലമാണ്. ഗാനഗന്ധര്വന് യേശുദാസിന്റെ ശബ്ദത്തിനോടുള്ള അടുത്ത സാമ്യത്തിന്റെ പേരില് പ്രശസ്തനായ പിന്നണി ഗായകനാണ് അഭിജിത്.
പാട്ടുകേട്ട് യേശുദാസ് ആണ് പാടിയതെന്നാണ് ആരാധകരില് പലരും കരുതിയത്. അഭിജിത്തിനെ പ്രശംസിച്ച് നിരവധി പേരാണ് രംഗത്തു വന്നിരിക്കുന്നത്.
വിജയരാഘവന്, ഐശ്വര്യ ലക്ഷ്മി, തമിഴ് നടന് പ്രസന്ന, പ്രയാഗാ മാര്ട്ടിന്, , മഡോണ സെബാസ്റ്റിന്, മിയ ജോര്ജ്ജ്, ധര്മജന്, കോട്ടയം നസീര്, പൊന്നമ്മ ബാബു, കൊച്ചു പ്രേമന് സ്ഫടികം ജോര്ജ്ജ്, ശിവജി ഗുരുവായൂര് തുടങ്ങി വന് താരനിരയാണ് ചിത്രത്തില് അണിനിരക്കുന്നത്. മാജിക് ഫ്രെയിമിന്റെ ബാനറില് ലിസ്റ്റില് സ്റ്റീഫനാണ് ചിത്രം നിര്മ്മിക്കുന്നത്. ജിത്തു ദാമോദറാണ് ഛായാഗ്രഹണം.