ഉര്വശി , ബാലു വര്ഗീസ് എന്നിവര് പ്രധാനവേഷത്തിലെത്തുന്ന ചാള്സ് എന്റര്പ്രൈസസിന്റെ സ്ട്രീമിങ്ങ് അവകാശം സ്വന്തമാക്കി ആമസോണ് പ്രൈം. വലിയ ചിത്രങ്ങളുടെതാണ് സാധാരണയായി റിലീസിന് മുന്നേ സാറ്റ്ലൈറ്റ്, ഒ ടി ടി അവകാശങ്ങള് വിറ്റുപോകാറുള്ളത്. എന്നാല് ആ രീതിയെ തന്നെ മാറ്റി മറിച്ചു കൊണ്ടാണ് ഇപ്പോള് ”ചാള്സ് എന്റര്പ്രൈസസ്” സിനിമയുടെ സ്ട്രീമിങ്ങ് അവകാശം ആമസോണ് പ്രൈം സ്വന്തമാക്കിയിരിക്കുന്നത്.
നേരത്തെ ചിത്രത്തിന്റെ വിതരണാവകാശം റിലൈന്സ് എന്റര്ടെയിന്റ്മെന്റും ഏ പി ഇന്റര്നാഷണലും ചേര്ന്ന് സ്വന്തമാക്കിയതും വാര്ത്താപ്രാധാന്യം നേടിയിരുന്നു. സുഭാഷ് ലളിത സുബ്രഹ്മണ്യനാണ് ചിത്രത്തിന്റെ രചനയും സംവിധാനവും നിര്വ്വഹിച്ചിരിക്കുന്നത്.
മലയാളവും തമിഴും ഇടകലര്ന്ന് കേരളത്തില് സംഭവിക്കുന്നൊരു കഥാപശ്ചാത്തലത്തിലുള്ള ചിത്രം പ്രേക്ഷകര്ക്ക് മുന്നിലേക്കെത്തുന്നത്. ചിത്രത്തിന്റെ മുപ്പത് ശതമാനത്തോളം തമിഴ് സംഭാഷണങ്ങളാണ് . സിനിമയുടെ തമിഴ് സംഭാഷണങ്ങള് എഴുതിയിരിക്കുന്നതാവട്ടെ പ്രശസ്ത തമിഴ് ചിത്രമായ കാക്കമുട്ടൈയുടെ സംഭാഷണ രചയിതാവും സംവിധായകന്റെ സുഹൃത്തുമായ മുരുകാനന്ദ് കുമരേശനാണ്. ചിത്രത്തിലെ തമിഴ് ഗാനങ്ങള് എഴുതിയിരിക്കുന്നത് പാ രഞ്ജിത്തിനൊപ്പം സഹസംവിധായകനായി പ്രവര്ത്തിക്കുന്ന നാച്ചിയാണ്.
സറ്റെയര് ഫാമിലി മിസ്റ്ററി ഡ്രാമ വിഭാഗത്തില് പെടുന്ന ചാള്സ് എന്റര്പ്രൈസസില് ഉര്വ്വശിക്കും കലൈയരസനും ബാലുവര്ഗ്ഗീസിനും പുറമേ അഭിനേതാക്കളായെത്തുന്നത് ഗുരു സോമസുന്ദരം, അഭിജശിവകല, സുജിത് ശങ്കര്, അന്സല് പള്ളുരുത്തി, സുധീര് പറവൂര്, മണികണ്ഠന് ആചാരി, വിനീത് തട്ടില്, മാസ്റ്റര് വസിഷ്ട്ട്, ഭാനു, മൃദുന, ഗീതി സംഗീതി, സിജി പ്രദീപ്, അജിഷ, ആനന്ദ്ബാല് എന്നിവരാണ് .