മലയാള സിനിമയിലെ എക്കാലത്തെയും മികച്ച സീരീസാണ് സിബിഐ സീരീസ്. ചിത്രത്തിന്റെ അഞ്ചാം ഭാഗത്തിനുള്ള ഒരുക്കങ്ങള് അണിയറയില് തുടങ്ങി കഴിഞ്ഞു. മമ്മൂക്ക, സംവിധായകന് കെ മധു, തിരക്കഥാകൃത്ത് എസ് എന് സ്വാമി, സംഗീത സംവിധായകന് ശ്യാം എന്നിവര് വീണ്ടും ഒന്നിക്കുന്ന ചിത്രം “ബാസ്ക്കറ്റ് കില്ലിങ്” എന്ന കഥാതന്തുവാണ് അവലംബിക്കുന്നത്. തുടര്ക്കഥയാകുന്ന ദുരൂഹ മരണങ്ങളുടെ ചുരുളഴിക്കുവാനാണ് സേതുരാമയ്യരുടെ വരവ്.
ചിത്രത്തില് നായികയായി മഞ്ജു വാര്യര് എത്തുമെന്നാണ് ഇപ്പോള് ലഭിക്കുന്ന വിവരം.കിട്ടുന്ന റിപ്പോര്ട്ടുകള് ശരിയാണെങ്കില് ഇത് ആദ്യമായി മമ്മൂട്ടിയും മഞ്ജുവും ഒന്നിക്കുന്ന ചിത്രം എന്ന പ്രത്യേകതയും സി ബി ഐ അഞ്ചാം ഭാഗത്തിന് ലഭിക്കും. അതിനിടെ കൂടത്തായി കൊലപാതകമായിരിക്കും ചിത്രത്തിന്റെ ഇതിവൃത്തം എന്നും പറയപ്പെടുന്നു.ചിത്രത്തില് ജോളിയായി മഞ്ജു എത്തിയേക്കും.
സ്വര്ഗചിത്ര അപ്പച്ചനാണ് ചിത്രത്തിന്റെ നിര്മാണം. പ്രസാദ് കണ്ണന്മീഡിയ കണ്ടന്റ് കണ്സള്ട്ടന്റായി പ്രവര്ത്തിക്കുന്നു. കാലത്തിന്റെ മാറ്റവും മനുഷ്യന്റെ ചിന്താഗതികളുടെ മാറ്റങ്ങളും ഉള്ക്കൊണ്ടാണ് കഥയൊരുക്കിയതെന്ന് തിരക്കഥാകൃത്ത് എസ് എന് സ്വാമി വ്യക്തമാക്കി. ബുദ്ധിതന്ത്രങ്ങളുടെ മാമാങ്കമൊരുക്കാന് നേരമായെന്ന് സംവിധായകന് കെ.മധുവും ഉറപ്പിക്കുന്നു.