നടന് മമ്മൂട്ടി എടുത്ത പക്ഷിയുടെ ചിത്രത്തിന് ലേലത്തില് കിട്ടിയത് മൂന്ന് ലക്ഷം രൂപ. ഇലത്തുമ്പില് വിശ്രമിക്കുന്ന ബുള്ബുളിന്റെ ചിത്രമാണ് ദര്ബാര് ഹാള് ആര്ട്ട് ഗാലറിയില് ലേലത്തില് വച്ചത്. മമ്മൂട്ടിയുടെ കയ്യൊപ്പോട് കൂടിയ ചിത്രമാണ് ലേലത്തിനായി ഉണ്ടായിരുന്നത്.
പ്രശസ്ത പക്ഷി നിരീക്ഷകനും ഫോട്ടോഗ്രാഫറുമായ ഇന്ദുചൂഡന്റെ പേരിലുള്ള ഇന്ദുചൂഡന് ഫൗണ്ടേഷനും ഞാറ്റുവേല എന്ന സംഘടനയും ചേര്ന്ന് കൊച്ചി ദര്ബാര് ഹാളില് നടത്തിയ ഫോട്ടോ പ്രദര്ശനത്തിലാണ് മമ്മൂട്ടി പകര്ത്തിയ ഫോട്ടോയും ലേലത്തിനായി വച്ചത്.
മമ്മൂട്ടിയുള്പ്പെടെ 23 ഫോട്ടോഗ്രാഫര്മാരുട 61 ചിത്രങ്ങളായിരുന്നു പ്രദര്ശനത്തിനുണ്ടായിരുന്നത്. ഒരു ലക്ഷം രൂപ അടിസ്ഥാന വിലയിട്ട മമ്മൂട്ടിയുടെ ചിത്രം മൂന്ന് ലക്ഷം രൂപയ്ക്ക് കോട്ടക്കല് സ്വദേശിയായ അച്ചു ഉള്ളാട്ടിലാണ് സ്വന്തമാക്കിയത്.
ലേലത്തില് കിട്ടുന്ന തുക ഇന്ദുചൂഡന് ഫൗണ്ടേഷന് കൈമാറുമെന്ന് മമ്മൂട്ടി നേരത്തെ തന്നെ വ്യക്തമാക്കിയിരുന്നു. പുതുതായി നിര്മ്മിക്കുന്ന ആഡംബര ഹോട്ടിലിന്റെ ചുമരില് ഈ ചിത്രം പ്രദര്ശിപ്പിക്കും.