പൃഥ്വിരാജ് നായകനായി എത്തുന്ന പുതിയ ചിത്രമായ ബ്രദേഴ്സ് ഡേയിലെ പുതിയ ഗാനം പുറത്തിറങ്ങി. താലോലം തുമ്പിപ്പെണ്ണേ എന്ന ഗാനമാണ് പുറത്തിറങ്ങിയത്. ഈ ഗാനം ആലപിച്ചിരിക്കുന്നത് വിജയ് യേശുദാസും, സിയ ഉള് ഹക്കും, ബിബി മാത്യു, ഹരിത എന്നിവര് ചേര്ന്നാണ്. ഡോക്ടര് മധു വാസുദേവനാണ് രചന. 4 മ്യൂസിക്കാണ് സംഗീതം.
കലാഭവന് ഷാജോണിന്റെ ആദ്യ സംവിധാനസംരംഭമായ ബ്രദേഴ്സ് ഡേ ഒരു ഫാമിലി എന്റര്ടെയിനറായിരിക്കും. കഴിഞ്ഞ ദിവസം സെന്സറിംഗ് പൂര്ത്തിയായ ചിത്രത്തിന് യു എ സര്ട്ടിഫിക്കറ്റാണ് ലഭിച്ചിരിക്കുന്നത്.
സസ്പെന്സും ആക്ഷനും കോമഡിയും ഒക്കെ ചേര്ന്ന ഒരു ചിത്രമെന്നതാണ് ട്രെയിലര് നല്കുന്ന സൂചന. പൃഥ്വിരാജ് ആദ്യമായി സംവിധാനം ചെയ്ത ലൂസിഫറില് മികച്ചൊരു വേഷം ഷാജോണ് കൈകാര്യം ചെയ്തിരുന്നു.
വിജയരാഘവന്, ഐശ്വര്യ ലക്ഷ്മി, തമിഴ് നടന് പ്രസന്ന, പ്രയാഗാ മാര്ട്ടിന്, , മഡോണ സെബാസ്റ്റിന്, മിയ ജോര്ജ്ജ്, ധര്മജന്, കോട്ടയം നസീര്, പൊന്നമ്മ ബാബു, കൊച്ചു പ്രേമന് സ്ഫടികം ജോര്ജ്ജ്, ശിവജി ഗുരുവായൂര് തുടങ്ങി വന് താരനിരയാണ് ചിത്രത്തില് അണിനിരക്കുന്നത്. മാജിക് ഫ്രെയിമിന്റെ ബാനറില് ലിസ്റ്റില് സ്റ്റീഫനാണ് ചിത്രം നിര്മ്മിക്കുന്നത്. ജിത്തു ദാമോദറാണ് ഛായാഗ്രഹണം.