കോവിഡ് കാലത്ത് വീട്ടിലിരിക്കുമ്പോള് മീന് പിടിക്കുന്ന വീഡിയോയും പാചക വീഡിയോകളുമായി നടന് ബിനീഷ് ബാസ്റ്റിന് സോഷ്യല് മീഡിയയില് എത്താറുള്ളത്. അമ്മയ്ക്കൊപ്പമുള്ള ഒരു സുന്ദര ചിത്രമാണ് ബിനീഷ് ഇത്തവണ പങ്കുവച്ചിരിക്കുന്നത്. ബിനീഷിന്റെ മുടി പിന്നിയിടുന്ന അമ്മയുടെ ചിത്രമാണിത്.
“”ടീമേ..അമ്മയ്ക്ക് തുല്യം അമ്മ മാത്രം”” എന്ന ക്യാപ്ഷനോടെയാണ് ബിനീഷിന്റെ പോസ്റ്റ്. ചിത്രത്തിന് പിന്നാലെ നിരവധി കമന്റുകളുമായി ആരാധകരും എത്തി. എപ്പോഴാണ് അമ്മയ്ക്ക് മരുമകളുടെ മുടി ഇതുപോലെ പിന്നിയിടാന് ആവുക എന്നാണ് ഒരു കമന്റ്. പിന്നാലെ കമന്റിട്ടയാളുടെ പേര് ടാഗ് ചെയ്ത് മറുപടിയും ബിനീഷ് നല്കി.
https://www.facebook.com/ActorBineeshBastin/posts/2665766230345838
ഒരു കല്യാണം ഒക്കെ കഴിക്കെന്നേ അമ്മയ്ക്ക് കൂട്ടാവട്ടെ, അമ്മയ്ക്ക് ഒരു ഹായ് എന്ന കമന്റുകളുമുണ്ട്. ലോക്ഡൗണില് ഒരു ലൈവ് വീഡിയോക്കിടെ അമ്മയ്ക്ക് ജനിച്ച കാലം മുതല് ലോക്ഡൗണ് ആണെന്ന് ബിനീഷ് പറഞ്ഞിരുന്നു. വീട്ടില് ഒതുങ്ങിക്കൂടി ഇരിക്കുന്നതിന്റെ ബുദ്ധിമുട്ട് കുറച്ച് ദിവസം കൊണ്ട് തന്നെ മനസ്സിലായെന്നും കൊറോണ വൈറസ് നമ്മളെ പലതും പഠിപ്പിച്ചെന്നും ബിനീഷ് പറഞ്ഞിരുന്നു.
ലോക്ഡൗണിന് ശേഷം അമ്മയെ പുറത്ത് കൊണ്ടുപോവാന് തീരുമാനിച്ചതായും ബിനീഷ് വ്യക്തമാക്കിയിരുന്നു. മലയാളം, തമിഴ് ഭാഷകളിലായി നിരവധി സിനിമകളില് വില്ലന് വേഷങ്ങളില് എത്തിയ താരമാണ് ബിനീഷ് ബാസ്റ്റിന്. ഒമര് ലുലു ചിത്രം പവര്സ്റ്റാറില് ബിനീഷും വേഷമിടുന്നുണ്ട്.