തെറി, മെര്സല് തുടങ്ങിയ വിജയ ചിത്രങ്ങള്ക്ക് ശേഷം അറ്റ്ലി- വിജയ് ടീം ഒന്നിക്കുന്ന ബിഗിലിലെ പുതിയ ഗാനം റിലീസ് ചെയ്തു. “ഉനക്കാക വാഴാന്…” എന്നു തുടങ്ങുന്ന പ്രണയ ഗാനത്തിന്റെ ലെറിക്കല് വീഡിയോയാണ് റിലീസ് ചെയ്തിരിക്കുന്നത്. ശ്രീകാന്ത് ഹരിഹരന്, മധുര ധാര എന്നിവര് ചേര്ന്നാണ് ഗാനം ആലപിച്ചിരിക്കുന്നത്. വിവേകിന്റെ വരികള്ക്ക് എ.ആര് റഹ്മാന് ഈണം പകര്ന്നിരിക്കുന്നു.
നയന്താര നായികയാവുന്ന ചിത്രം ഫുട്ബോള് കോച്ചിന്റെ കഥയാണ് പറയുന്നത്. വിവേക്, കതിര്, യോഗി ബാബു, റോബോ ശങ്കര് എന്നിവരും ചിത്രത്തില് അണിനിരക്കുന്നു. വിജയ് രണ്ടു ഗെറ്റപ്പിലാവും ചിത്രത്തിലെത്തുക. ഫസ്റ്റ്ലുക്ക് പോസ്റ്ററിലും വിജയിയെ രണ്ട് ഗെറ്റപ്പിലാണ് അവതരിപ്പിച്ചിരിക്കുന്നത്.
കെ.ജി വിഷ്ണുവാണ് ഛായാഗ്രഹണം. നിര്മ്മാണം എ.ജി.എസ് എന്റര്ടെയ്മെന്റ്. ദീപാവലിക്ക് ചിത്രം തിയേറ്ററുകളിലെത്തുക.