മോഹന്ലാല്-സിദ്ദിഖ് കൂട്ടുകെട്ടിലൊരുങ്ങുന്ന ചിത്രമാണ് “ബിഗ് ബ്രദര്”. ആക്ഷന് പ്രാധാന്യം നല്കി ഒരുക്കുന്ന ചിത്രത്തില് സച്ചിദാനന്ദന് എന്ന കഥാപാത്രമായാണ് മോഹന്ലാല് വേഷമിടുന്നത്. ചിത്രത്തിന്റെ ഓഡിയോ ലോഞ്ച് ഡിസംബര് 26ന് കൊച്ചിയിലെ ദര്ബാര് ഹോളില് നടക്കും.
ചിത്രത്തിന്റെ സംഗീത സംവിധായകന് ദീപക് ദേവ് നയിക്കുന്ന ലൈവ് പ്രോഗ്രാമും ഓഡിയോ ലോഞ്ചിനിടെ ഉണ്ടാകും. കഴിഞ്ഞ ദിവസം എത്തിയ ചിത്രത്തിന്റെ ട്രെയ്ലറിന് വന് സ്വീകാര്യതയാണ് ലഭിക്കുന്നത്. 14 ലക്ഷം വ്യൂസുമായി യൂട്യൂബ് ട്രെന്ഡിംഗ് ലിസ്റ്റില് മൂന്നാമതായി തുടരുകയാണ് ട്രെയ്ലര്.
ബോളിവുഡ് താരം അര്ബാസ് ഖാനും ചിത്രത്തില് ഒരു പ്രധാന വേഷത്തിലെത്തുന്നുണ്ട്. ഹണി റോസ്, മിര്ണ, ജനാര്ദ്ദനന്, സിദ്ദിഖ്, വിഷ്ണു ഉണ്ണികൃഷ്ണന്, അനൂപ് മേനോന്, ചെമ്പന് വിനോദ്, ടിനി ടോം, സര്ജാനോ ഖാലിദ്, റെജീന കസാന്ഡ്ര, സത്ന ടൈറ്റസ് എന്നിവരും ചിത്രത്തില് അഭിനയിക്കുന്നു. ജനുവരിയില് ചിത്രം റിലീസിനെത്തും.