ദീപക് പറമ്പൊലും പ്രയാഗ മാര്ട്ടിനും കേന്ദ്ര കഥാപാത്രങ്ങളാകുന്ന ഷൈജു അന്തിക്കാടിന്റെ “ഭൂമിയിലെ മനോഹര സ്വകാര്യ”ത്തിന്റെ ആദ്യത്തെ വീഡിയോ ഗാനം പുറത്ത് “”സ്മരണകള് കാടായ്”” എന്ന് തുടങ്ങുന്ന ഗാനമാണ് വിനീത് ശ്രീനിവാസന്, റിമ കല്ലിങ്ങല്, ഐശ്വര്യ ലക്ഷ്മി, മിയ ജോര്ജ്, നമിത പ്രമോദ്, നിഖില വിമല്, അപര്ണ ബാലമുരളി, മഡോണ സെബാസ്റ്റ്യന് എന്നീ താരങ്ങളുടെ ഫെയ്സ്ബുക്ക് പേജിലൂടെ റിലീസ് ചെയ്തിരിക്കുന്നത്.
സച്ചിന് ബാലു സംഗീത സംവിധാനം നിര്വഹിച്ചിരിക്കുന്ന ഗാനത്തിന്റെ രചയിതാവ് പ്രശസ്ത കവിയും ഗാനരചയിതാവുമായ അന്വര് അലിയാണ്. ഷഹബാസ് അമനും സിതാര കൃഷ്ണകുമാറും ചേര്ന്നാണ് ഗാനം ആലപിച്ചിരിക്കുന്നത്. സോഷ്യല് മീഡിയയിലും സംഗീതാസ്വാദകര്ക്കിടയിലും വന് സ്വീകാര്യതയാണ് ഗാനത്തിന് ലഭിച്ചു കൊണ്ടിരിക്കുന്നത്. നേരത്തെ പുറത്തിറങ്ങിയ ചിത്രത്തിന്റെ ടീസര് പ്രേക്ഷകര് ഏറ്റെടുത്തിരുന്നു.
ബയോസ്കോപ് ടാകീസിന്റെ ബാനറില് രാജീവ്കുമാര് ആണ് ചിത്രം നിര്മ്മിക്കുന്നത്. എ ശാന്തകുമാര് തിരക്കഥയും സംഭാഷണവും. ലാല്, ഷൈന് ടോം ചാക്കോ, ഇന്ദ്രന്സ്, സുധീഷ്, അഭിഷേക് രവീന്ദ്രന്, അഞ്ചു അരവിന്ദ്, നിഷ സാരംഗ്, ഹരീഷ് പേരാടി, സന്തോഷ് കീഴാറ്റൂര്, മഞ്ജു എന്നിങ്ങനെ നിരവധി അഭിനേതാക്കള് ചിത്രത്തില് അണിനിരക്കുന്നുണ്ട്. 2020 ഫെബ്രുവരിയില് പുറത്തിറങ്ങാന് ഒരുങ്ങുന്ന ചിത്രം ഇപ്പോള് പോസ്റ്റ് പ്രൊഡക്ഷനില് ആണ്.