ബോളിവുഡ് താരം സണ്ണി ലിയോണിയുടെ മലയാളം വെബ് സീരിസ് ‘പാന് ഇന്ത്യന് സുന്ദരി’യുടെ ടീസര് പുറത്ത്. ‘ശരപഞ്ജരം’ സിനിമയില് നടന് ജയന്റെ ഏറ്റവും ആഘോഷിക്കപ്പെട്ട, കുതിരയെ തടവുന്ന രംഗം അതേപടി അനുകരിക്കുന്ന ഭീമന് രഘുവിനെയാണ് ടീസറില് കാണാനാവുക. അതേ മ്യൂസിക്കുമാണ് ഈ ടീസറിലുള്ളത്.
മലയാളത്തിലെ ആദ്യത്തെ ബിഗ് ബജറ്റ് കോമഡി ആക്ഷന് ത്രില്ലര് സീരിസ് ആണ് പാന് ഇന്ത്യന് സുന്ദരി. മലയാളം, തമിഴ്, കന്നഡ, തെലുങ്ക്, ഹിന്ദി എന്നീ ഭാഷകളിലായി എച്ച് ആര് ഒ.ടി.ടിയിലൂടെയാണ് സീരിസ് റിലീസ് ചെയ്യുക. നേരത്തെ ഈ സീരിസിന്റെ ഷൂട്ടിംഗ് രംഗം സോഷ്യല് മീഡിയയില് വൈറലായിരുന്നു.
ഉദ്ഘാടനം ചെയ്യാനെത്തിയ സണ്ണിയെ കണ്ട് ഓടിച്ചാടി വരുന്ന ഭീമന് രഘു ആയിരുന്നു ദൃശ്യങ്ങളില് ഉണ്ടായിരുന്നത്. ഈ ദൃശ്യങ്ങള്ക്ക് നേരെ വിമര്ശനങ്ങളും എത്തിയിരുന്നു. പിന്നാലെ സണ്ണി ലിയോണിന്റെ കൂടെ തന്റെയൊരു ഡാന്സും ഉണ്ടെന്ന് പ്രതികരിച്ച് ഭീമന് രഘു രംഗത്തെത്തിയിരുന്നു.
അപ്പാനി ശരത്തും മാളവികയും നായിക നായകന്മാര് ആകുന്ന ഈ സീരീസില് മണിക്കുട്ടന്, ജോണി ആന്റണി, ജോണ് വിജയ്, ഭീമന് രഘു, സജിത മഠത്തില്, കോട്ടയം രമേശ്, അസീസ് നെടുമങ്ങാട്, ഹരീഷ് കണാരന്, നോബി മര്ക്കോസ് തുടങ്ങി വലിയ താരനിര തന്നെ അണിനിരക്കുന്നുണ്ട്.
ഛാായഗ്രഹണം രവിചന്ദ്രന്, കലാസംവിധാനം മധു രാഘവന്, എഡിറ്റിംഗ് അഭിലാഷ് ബാലചന്ദ്രന് ആണ്. ശ്യാം പ്രസാദാണ് സീരിസിനു വേണ്ടി ഗാനങ്ങള് ഒരുക്കിയിരിക്കുന്നത്. ബാക്ക്ഗ്രൗണ്ട് മ്യൂസിക് ഗോപി സുന്ദര്.