നടന് ബാലയുടെ മൃഗ സ്നേഹം പ്രസിദ്ധമാണ്. ഇപ്പോഴിതാ, അമൃത ടിവിയിലെ കോമഡി മാസ്റ്റേഴ്സില് തന്റെ മൃഗ സ്നേഹത്തെ കുറിച്ച് തുറന്നു സംസാരിക്കുകയാണ് ബാല. മനുഷ്യനേക്കാള് നല്ലത് നായകളാണെന്നാണ് ബാല പറയുന്നത്.
‘മനുഷ്യനേക്കാള് നല്ലത് നായ്ക്കളാണ്. ഞാന് വിഷമിച്ചാല് എന്റെ നായക്കുട്ടി എന്റെ കാലിന്റെ ചുവട്ടില് വന്നിരിക്കും. നീ വിഷമിക്കാന് പാടില്ലെന്ന് പറയുന്ന പോലെ. ഞാന് പടം കാണാന് പോയാല് എന്റൊപ്പം വന്ന് നിന്ന് പടം കാണും. രജനികാന്തിന്റെ പടമാണ് അവര്ക്ക് ഇഷ്ടം. എനിക്കൊരു ബീഗിള് ഇനത്തില് പെട്ട നായയുണ്ട്,’
ഞാന് ഭക്ഷണം കഴിച്ചിലെങ്കില് അത് കഴിക്കില്ല. ഞാന് വിഷമിച്ചാല് അവരും വിഷമിക്കും. ഞാന് ചിരിച്ചാല് ഭയങ്കരമായിട്ട് ഓടും. ലാലേട്ടന് സിനിമകളൊക്കെ ഞങ്ങള് ഒന്നിച്ചിരുന്ന് കാണും. മനുഷ്യനേക്കാള് നല്ലത് നായകള് തന്നെയാണ്,’ ബാല പറഞ്ഞു.
അതേസമയം, ബാല വീണ്ടും സിനിമയില് സജീവമായി തുടങ്ങിയിരിക്കുകയാണ്. ഉണ്ണി മുകുന്ദന് നായക വേഷത്തിലെത്തിയ ഷെഫീക്കിന്റെ സന്തോഷം എന്ന ചിത്രത്തില് ഒരു പ്രധാന വേഷത്തില് ബാല എത്തിയിരുന്നു. ഈ സിനിമ വിജയമായിരുന്നു.
അതിനിടെ സിനിമയില് അഭിനയിച്ചതിന് ഉണ്ണി മുകുന്ദന് പ്രതിഫലം നല്കിയില്ലെന്ന ബാലയുടെ ആരോപണം വലിയ വിവാദങ്ങള്ക്കാണ് വഴിതെളിച്ചത്. സംഭവം ചര്ച്ചയായതോടെ ഉണ്ണി മുകുന്ദന് സംഭവത്തില് വിശദീകരണവുമായി രംഗത്ത് വരികയും ചെയ്തു.