പൃഥ്വിരാജിനെയും ബിജു മേനോനെയും കേന്ദ്രകഥാപാത്രങ്ങളാക്കി സച്ചി ഒരുക്കിയ ചിത്രമാണ് അയ്യപ്പനും കോശിയും. മദ്യ നിരോധിത മേഖലയായ അട്ടപ്പാടിയിലേക്ക് മദ്യം കൊണ്ടുപോയതിന് പിന്നാലെ സംഭവിച്ച പൊല്ലാപ്പുകളുടെ കഥയാണ് ചിത്രം പറഞ്ഞത്. ചിത്രം മൂന്നാം വാരത്തിലും വിജയകരമായി പ്രദര്ശനം തുടരുകയാണ്. ഇപ്പോഴിതാ ചിത്രത്തിന്റെ ബോക്സ് ഓഫീസ് കളക്ഷന് റിപ്പോര്ട്ട് പുറത്തുവന്നിരിക്കുകയാണ്.
18 കൊണ്ട് ചിത്രം 30 കോടി രൂപ കളക്ട് ചെയ്തെന്നാണ് റിപ്പോര്ട്ടുകള്. കേരളത്തില് നിന്ന് മാത്രം ചിത്രം 22 കോടി നേടിയെന്നാണ് വിവരം. ഗോള്ഡ് കൊയിന് മോഷന് പിക്ചേഴ്സിന്റെ ബാനറില് രഞ്ജിത്, പി.എം. ശശിധരന് എന്നിവര് ചേര്ന്നാണ് ചിത്രം നിര്മ്മിച്ചത്. അട്ടപ്പാടിയിലെ സബ് ഇന്സ്പെക്ടര് അയ്യപ്പന് നായരായി ബിജു മേനോന് വേഷമിട്ടപ്പോള് പട്ടാളത്തില് 16 വര്ഷത്തെ സര്വീസിന് ശേഷം നാട്ടിലെത്തിയ ഹവീല്ദാര് കോശി കുര്യനായാണ് പൃഥ്വിരാജ് എത്തിയത്.
ഈ മാസം ഏഴിനാണ് ചിത്രം തിയേറ്ററുകളിലെത്തിയത്. അനാര്ക്കലിക്ക് ശേഷം സച്ചിയുടെ സംവിധാനത്തില് പൃഥ്വിരാജും ബിജു മേനോനും ഒന്നിച്ച ചിത്രമാണിത്.