ലോക സിനിമാ പ്രേമികള് കാത്തിരിക്കുന്ന ചിത്രം ‘അവതാര് 2’ ടീസര് ലീക്കായി. എച്ച് ഡി മികവുള്ള ടീസറാണ് ഇന്റര്നെറ്റിലൂടെ പുറത്തുവന്നിരിക്കുന്നത്. നേരത്തെ ത്രിഡി ചിത്രമായ ഡോക്ടര് സ്ട്രേഞ്ച് ഇന് ദ് മള്ടിവേള്ഡ്സ് ഓഫ് മാഡ്നെസിനൊപ്പം തിയറ്ററുകളില് അവതാര് 2വിന്റെ ടീസര് പ്രദര്ശിപ്പിച്ചിരുന്നു. പ്രേക്ഷകരെ അമ്പരപ്പിക്കുന്നതില് ജയിംസ് കാമറൂണ് ഇത്തവണയും പതിവു തെറ്റിക്കുന്നില്ലെന്ന് ടീസറില് നിന്നും വ്യക്തം.
അവതാര് 2ഉം 3ഉം കൂടുതലും സമുദ്രത്തിലും പരിസരത്തുമാണ് സജ്ജീകരിച്ചിരിക്കുന്നത്. മെറ്റ്കയിന എന്ന പേരിലുള്ള പാറകളില് വസിക്കുന്ന നവിയുടെ ഒരു പുതിയ വംശത്തെ രണ്ടാം ഭാഗത്തില് അവതരിപ്പിക്കുന്നു.
2009 ലെ അവതാറിനു ശേഷം പാന്ഡോറിലെ ‘നവി’യെന്ന അന്യഗ്രഹജീവികളുടെ ജീവിതം നാല് ഭാഗങ്ങളിലായി പ്രേക്ഷകര്ക്ക് മുന്നിലെത്തിക്കുമെന്ന് കാമറൂണ് പ്രഖ്യാപിച്ചിരുന്നു. വര്ഷങ്ങളോളം നീണ്ട സാങ്കേതിക ഗവേഷണവും അഭിനയേതാക്കളുടെ പരിശീലനവും കഴിഞ്ഞതിനു ശേഷം വെള്ളത്തിനടിയിലായിരുന്നു അവതാര് 2ന്റെ ചിത്രീകരണം.
പ്രേക്ഷകരെ ആകാംക്ഷയുടെ മുള്മുനയില് നിര്ത്താന് കഴിയുന്ന സാങ്കേതികത്വം നിറഞ്ഞതായിരിക്കും ചിത്രമെന്നാണ് അണിയറപ്രവര്ത്തകര് അവകാശപ്പെടുന്നത്.