ജെയിംസ് കാമറൂണ് ചിത്രം ‘അവതാര്: ദി വേ ഓഫ് വാട്ടറിന് റെക്കോര്ഡ് നേട്ടം. റിലീസിന് ഒരാഴ്ച മാത്രം ബാക്കി നല്ക്കെ സിനിമയുടെ ടിക്കറ്റുകള് വിറ്റ് പോകുന്നത് റെക്കോര്ഡ് വേഗതയിലാണ്.
‘അവഞ്ചേഴ്സ്: എന്ഡ് ഗെയിം’, ‘കെജിഎഫ് 2’, ‘ബാഹുബലി 2’ എന്നീ സിനിമകളെ വെല്ലുവിളിച്ചുകൊണ്ടാണ് എക്കാലത്തെയും വലിയ മുന്നേറ്റങ്ങളില് ഒന്നായി അവതാര് മാറുന്നത്. പിവിആര്, ഐനോക്സ്, സിനിപോളിസ് എന്നിവിടങ്ങളില് നിന്ന് ഏകദേശം 1.20 ലക്ഷം അഡ്വാന്സ് ബൂക്കിങ്ങാണ് ഉണ്ടായിരിക്കുന്നത്.
സോഷ്യല്മീഡിയയില് ഈ സിനിമയെ പ്രശംസിച്ച് നിരവധി പ്രതികരണങ്ങളാണ് എത്തുന്നത്. ലോകം കണ്ട ഏറ്റവും മികച്ച വിഎഫ്എക്സ് ചിത്രത്തിനാണ് സാക്ഷ്യം വഹിച്ചത് എന്നും വികാര നിര്ഭരമാണ് എന്നും പ്രതികരണങ്ങള് എത്തുന്നു.
ഡിസംബര് 16-നാണ് ചിത്രം തിയേറ്ററുകളിലെത്തുത്. ഇന്ത്യയില് ആറ് ഭാഷകളിലാണ് ‘അവതാര് ദി വേ ഓഫ് വാ’ര്’ റിലീസ് ചെയ്യുക. ഇംഗ്ലീഷ്, ഹിന്ദി, തമിഴ്, തെലുങ്ക്, മലയാളം, കന്നഡ എന്നീ ഭാഷകളിലാണ് ചിത്രം റിലീസ് ചെയ്യുക.
1832 കോടി രൂപയാണ് ചിത്രത്തിന്റെ നിര്മാണ ചെലവ്. അവതാറിന്റെ ആദ്യഭാഗം റിലീസ് ചെയ്തത് 2009ലാണ്. സാമ്പത്തികമായി ഏറ്റവും വരുമാനം നേടിയ ചിത്രമെന്ന പേര് അവതാര് സ്വന്തമാക്കിയിരുന്നു. 2012ലാണ് അവതാറിന് തുടര്ഭാഗങ്ങളുണ്ടാകുമെന്ന് ജെയിംസ് കാമറൂണ് പ്രഖ്യാപിച്ചത്.