ടൊവിനോ തോമസിനെയും കല്ല്യാണി പ്രിയദർശനെയും കേന്ദ്ര കഥാപാത്രമാക്കി ഖാലിദ് റഹ്മാന് സംവിധാനം ചെയ്യ്ത ചിത്രമാണ് തല്ലുമാല. ഇന്ന് തിയേറ്ററിൽ റീലിസിനെത്തിയ ചിത്രത്തിന് മികച്ച പ്രേക്ഷക പ്രതികരണമാണ് ലഭിക്കുന്നത്. ടൊവിനോ തോമസിന്റെ ആദ്യ 50 കോടി, മാന്യമായ സ്ലോ ഫേസ് ഒന്നാം പകുതിയും ഉയർന്നുവരുന്ന രണ്ടാം പകുതിയും നല്ല ട്വിസ്റ്റും ക്ലൈമാക്സും വേറെ ലെവൽ
തിയേറ്ററിൽ തന്നെ കാണേണ്ട സിനിമ, ആദ്യ പകുതി മികച്ചതാണ്, ഗംഭീരമായി ചിത്രീകരിച്ച സംഘട്ടന രംഗങ്ങൾ. ടൊവിനോയും ഷൈനും പൊളിച്ചു”, എന്നിങ്ങനെ നിരവധി കമന്റുകളാണ് സോഷ്യൽ മീഡിയയിൽ നിറയുന്നത്. കേരളത്തില് 231 തിയറ്ററുകളിലാണ് തല്ലുമാല പ്രദർശനത്തിന് എത്തിയത്. മലയാളത്തില് അടുത്ത ബോക്സ് ഓഫീസ് വിജയമായേക്കാവുന്ന ചിത്രം എന്നാണ് തല്ലുമാലയെ ട്രേഡ് അനലിസ്റ്റുകള് വിലയിരുത്തിയിരിക്കുന്നത്.
മുഹ്സിന് പരാരിയും അഷ്റഫ് ഹംസയും ചേര്ന്നാണ് ചിത്രത്തിന്റെ രചന നിര്വ്വഹിച്ചിരിക്കുന്നത്. ആഷിക് ഉസ്മാന് പ്രൊഡക്ഷന്സിന്റെ ബാനറില് ആഷിക് ഉസ്മാന് ആണ് നിര്മ്മാണം. ഷൈന് ടോം ചാക്കോ, ലുക്മാന്, ചെമ്പന് വിനോദ് ജോസ്, ജോണി ആന്റണി, ഓസ്റ്റിന്, അസിം ജമാല് എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. മണവാളന് വസിമായാണ് ടൊവിനോയുടെ എത്തിയിരിക്കുന്നത്. വ്ലോഗർ ബീപാത്തു എന്നാണ് കല്യാണിയുടെ കഥാപാത്രത്തിന്റെ പേര്.