ആസിഫ് അലിയെ നായകനാക്കി ആര്ജെ മാത്തുക്കുട്ടി സംവിധാനം ചെയ്യുന്ന “കുഞ്ഞെല്ദോ”യുടെ ഷൂട്ടിംഗ് കോട്ടയത്ത് ആരംഭിച്ചു. “കല്ക്കി”ക്കു ശേഷം ലിറ്റില് ബിഗ് ഫിലിംസിന്റെ ബാനറില് സുവിന് കെ വര്ക്കി, പ്രശോഭ് കൃഷ്ണ എന്നിവര് ചേര്ന്നു നിര്മ്മിക്കുന്ന ഈ ചിത്രത്തില് പുതുമുഖം ഗോപിക ഉദയന് ആണ് നായിക.
റേഡിയോ ജോക്കി, ചാനല് അവതാരകന് എന്നീ നിലകളില് ശ്രദ്ധേയനായ മാത്തുക്കുട്ടി ആദ്യമായി സംവിധാനം ചെയ്യുന്ന ചിത്രമാണ് “കുഞ്ഞെല്ദോ”. ക്രിയേറ്റീവ് ഡയറക്ടറായി വിനീത് ശ്രീനിവാസന് എത്തുന്ന ചിത്രത്തിന് ഛായാഗ്രഹണം നിര്വഹിക്കുന്നത് സ്വരൂപ് ഫിലിപ് ആണ്. സന്തോഷ് വര്മ്മ,അശ്വതി ശ്രീകാന്ത് എന്നിവരുടെ വരികള്ക്ക് ഷാന് റഹ്മാന് സംഗീതം പകരുന്നു.
ക്യാമ്പസ് പശ്ചാത്തലമാക്കി ഒരുക്കുന്ന ചിത്രത്തിനായി ആദ്യം പരിഗണിച്ചിരുന്നത് ദുല്ഖര് സല്മാനെയാണ്. എന്നാല് ദുല്ഖര് ചിത്രം ഉപേക്ഷിക്കുകയായിരുന്നു. ടീനേജ് വേഷങ്ങള് ചെയ്യാന് താത്പര്യമില്ലാത്തതിനാലാണ് ദുല്ഖര് ചിത്രത്തില് നിന്ന് പിന്മാറിയതെന്നാണ് റിപ്പോര്ട്ടുകള്.