വ്യാസന്- ദിലീപ് ചിത്രം ശുഭരാത്രിയെ പുകഴ്ത്തി സംവിധായകരും തിരക്കഥാകൃത്ത് ഉദയകൃഷ്ണയും രംഗത്തെത്തിയിരുന്നു. ഇപ്പോഴിതാ സിനിമയെയും സംവിധായകന് വ്യാസനെയും പ്രശംസിച്ച് രംഗത്തെത്തിയിരിക്കുകയാണ് സംവിധായകന് അരുണ്ഗോപി. ഒഴിവാക്കാന് വയ്യാത്ത തിരക്കായിപ്പോയതിനാലാണ് ഒരു കുറിപ്പിടാന് വൈകിയതെന്നും അരുണ്ഗോപി പറയുന്നു.
ദിലീപേട്ടന് സിനിമകള് എന്നും എഫ്ഡിഎഫ്എസ് അതാണ് പതിവ്. പക്ഷേ ഒഴിവാക്കാന് വയ്യാത്ത തിരക്കായത് കൊണ്ടാണ് കുറച്ചുവൈകിയത്. ഈ നാട് എങ്ങോട്ടാണെന്ന് പലപ്പോഴും ആലോചിച്ച് പോകാറുണ്ട്. പക്ഷേ അപ്പോഴൊക്കെ ചില നന്മകള് നമ്മളെ കടന്നുപോകുന്നതും ഞാന് കണ്ടിട്ടുണ്ട്. ആ നന്മ ശുഭരാത്രിയിലും കണ്ടു. വ്യാസന് നിങ്ങള്ക്ക് അറിഞ്ഞുതന്നെയാണ് ആ പേര് വന്നുചേര്ന്നത് മനോഹരമായി ചേട്ടാ ..ദിലീപേട്ടനും സിദ്ദിഖിക്കയും ജീവിതം പകര്ന്നാടി ഓരോരുത്തരും അവരവരുടെ വേഷങ്ങളും കടമകളും നന്നായി ചെയ്തപ്പോള് ഒരു നല്ല സിനിമ തന്നെ ജനിച്ചു. അഭിനന്ദനങ്ങള്
ഈ കഴിഞ്ഞ ശനിയാഴ്ചയാണ് ശുഭരാത്രി തിയേറ്ററുകളിലെത്തിയത്. സംവിധായകന് തന്നെ തിരക്കഥയും രചിച്ച ഈ ചിത്രം അരോമ മോഹന്, എബ്രഹാം മാത്യു എന്നിവര് ചേര്ന്നാണ് നിര്മ്മിച്ചിരിക്കുന്നത്. ജനപ്രിയ നായകന് ദിലീപും, സിദ്ദിഖും പ്രധാന വേഷങ്ങള് ചെയ്തിരിക്കുന്ന ഈ ചിത്രത്തിലെ നായികാവേഷം അവതരിപ്പിച്ചിരിക്കുന്നത് അനു സിത്താര ആണ്.