ശശികുമാര് നായകനാകുന്ന പുതിയ തമിഴ് ചിത്രത്തില് വില്ലന് വേഷത്തില് മലയാളി താരം അപ്പാനി ശരത്ത്. കഴുഗു, ബെല്ബോട്ടം, ശിവപ്പ്, 1945 തുടങ്ങിയ സിനിമകള് സംവിധാനം ചെയ്ത സത്യശിവയുടെ പുതിയ സസ്പെന്സ് ത്രില്ലറിലാണ് ശശികുമാറിന് വില്ലനായി അപ്പാനി ശരത്ത് എത്തുന്നത്.
ലിജോ ജോസ് പെല്ലിശ്ശേരി ചിത്രം അങ്കമാലി ഡയറീസിലൂടെ ശ്രദ്ധേയനായ താരമാണ് അപ്പാനി ശരത്ത്. വെളിപാടിന്റെ പുസ്തകം, പോക്കിരി സൈമണ്, പൈപ്പിന് ചുവട്ടിലെ പ്രണയം, ചെക്ക ചിവന്ത വാനം, സണ്ടക്കോഴി 2, അമല തുടങ്ങിയ സിനിമകളിലും ഓട്ടോശങ്കര് എന്ന വെബ് സീരീസിലുമൊക്കെ മികച്ച പ്രകടനമാണ് ശരത്ത് കാഴ്ചവെച്ചത്.
മിഷന് സി, ചുങ്കം കിട്ടിയ ആട്ടിന് കൂട്ടം, ചാരം, ബെര്നാര്ഡ്, മിയ കുല്പ്പ തുടങ്ങിയ സിനിമകളും കാളിയാര് കോട്ടേജ് എന്ന വെബ് സീരീസുമാണ് താരത്തിന്റെതായി പുറത്തിറങ്ങാനുള്ള ചിത്രങ്ങള്. ജെല്ലിക്കട്ട് പശ്ചാത്തലത്തില് ഒരുങ്ങുന്ന ശരത്തിന്റെ പുതിയ തമിഴ് ചിത്രത്തിന്റെ ഷൂട്ടിംഗ് തമിഴ്നാട്ടില് പുരോഗമിക്കുകയാണ്. ജെല്ലിക്കട്ട് കാളകള്ക്കൊപ്പമുള്ള അപ്പാനി ശരത്തിന്റെ ചിത്രം സോഷ്യല് മീഡിയയില് വൈറലായിരുന്നു.
ദക്ഷിണേന്ത്യയില് ഏറ്റവും മികച്ച നടന്മാരിലൊരാളായ ശശികുമാര് സാറിനൊപ്പം തനിക്ക് അഭിനയിക്കാന് കഴിഞ്ഞതില് അഭിമാനവും സന്തോഷവുമുണ്ട് എന്നാണ് അപ്പാനി ശരത്ത് പ്രതികരിക്കുന്നത്. അദ്ദേഹത്തോടൊപ്പമുള്ള ചിത്രീകരണ അനുഭവം ഏറെ സന്തോഷകരമാണ്. അഭിനയ ജീവിതത്തിലെ മറക്കാനാവാത്ത ഓര്മ്മകളാണ് അതെല്ലാം.
ആ ചിത്രവും വളരെ മികച്ച ഒരു പ്രമേയമാണ് മുന്നോട്ട് വെയ്ക്കുന്നത്. “”ഞാന് ഇതുവരെ അഭിനയിച്ചിട്ടുള്ള കഥാപാത്രങ്ങളില് നിന്ന് തികച്ചും വ്യത്യസ്തമാണ് ഈ ചിത്രത്തിലേത്. തമിഴില് എനിക്ക് ഏറെ ശോഭിക്കാനുള്ള ഒരു ചിത്രമാണിത്. ശരിക്കും ഒരു മാസ് കഥാപാത്രം””, ചിത്രം തനിക്കേറെ പ്രതീക്ഷയുള്ളതാണെന്നും അപ്പാനി ശരത്ത് വ്യക്തമാക്കി.
സുബ്രഹ്മണ്യപുരം, നാടോടികള് തുടങ്ങിയ ശ്രദ്ധേയ തമിഴ് ചിത്രങ്ങളിലൂടെ ശ്രദ്ധേയനായ നടനാണ് ശശികുമാര്. മാസ്റ്റേഴ്സ് എന്ന മലയാള സിനിമയിലും ശശികുമാര് അഭിനയിച്ചിരുന്നു. ശശികുമാറും അപ്പാനി ശരത്തും ഒന്നിക്കുന്ന ചിത്രത്തിന്റെ നിര്മ്മാണം ചെന്തൂര് ഫിലിംസാണ്. ഹരിപ്രിയയാണ് ചിത്രത്തിലെ നായിക.
രാജ് ഭട്ടാചാര്ജി ക്യാമറ ചലിപ്പിക്കുന്ന ചിത്രത്തിന്റെ സംഗീതം സാം സി.എസ്, എഡിറ്റിംഗ് ശ്രീകാന്ത് എന്.ബി എന്നിവര് നിര്വ്വഹിക്കുന്നു. പി.ആര്.ഒ-പി.ആര് സുമേരന്. കോവിഡ് മാനദണ്ഡങ്ങള് പാലിച്ച് സിനിമയുടെ ചിത്രീകരണം തമിഴ്നാട്ടില് പുരോഗമിക്കുകയാണ്.