ഇന്ത്യയുടെ മിസൈല് മാന് എ.പി.ജെ അബ്ദുള് കലാമിന്റെ ജീവിതം വെള്ളിത്തിരയിലേക്ക്. പ്രമുഖ നിര്മ്മാതാവ് അഭിഷേക് അഗര്വാള് ആണ് സിനിമ പ്രഖ്യാപിച്ചിരിക്കുന്നത്. സിനിമയെ ചുറ്റിപറ്റി നേരത്തെ മുതല് പ്രചരിച്ച് കൊണ്ടിരുന്ന ഗോസിപ്പുകള്ക്ക് വിരാമമിട്ട് കൊണ്ടാണ് കലാമിന്റെ ചിത്രം നിര്മ്മാതാവ് പ്രഖ്യാപിച്ചിരിക്കുന്നത്. ഡെക്കാന് ക്രോണിക്കളാണ് ഇതു സംബന്ധിച്ച വാര്ത്ത പുറത്തു വിട്ടിരിക്കുന്നത്.
ചിത്രം നിര്മ്മിക്കുന്നതുമായി ബന്ധപ്പെട്ട് അബ്ദുള് കലാമിന്റെ കുടുംബാംഗങ്ങളോട് അഭിഷേക് അനുവാദം വാങ്ങിയെന്നാണ് റിപ്പോര്ട്ടില് പറയുന്നത്. ഇത്തരം സിനിമകളിലൂടെ യുവാക്കളെ പ്രചോദിപ്പിക്കാന് കഴിയുമെന്ന് വിശ്വസിക്കുന്നതെന്നും അതാണ് തങ്ങളുടെ ലക്ഷ്യമെന്നും അങ്ങിനെയാണ് കലാമിലേക്ക് എത്തിയെതെന്നുമാണ് ചിത്രം ചെയ്യുന്നതിനെ കുറിച്ച് അഭിഷേക് താക്കൂര് പറഞ്ഞത്.
മഹാത്മഗാന്ധിയ്ക്ക് ശേഷം അദ്ദേഹമാണ് നമ്മുടെ ഹീറോയെന്നും ലോകം മുഴുവനുള്ളവര്ക്കും അദ്ദേഹത്തിന്റ വ്യക്തിത്വത്തെ കുറിച്ച് അറിയാമെന്നും താക്കൂര് പറയുന്നു. അനില് സുധാകര് ആയിരിക്കും ചിത്രം സംവിധാനം ചെയ്യുക. നിലവില് ചിത്രത്തിന്റെ പ്രീ പ്രൊഡക്ഷന് വര്ക്കുകള് പുരോഗമിച്ച് കൊണ്ടിരിക്കുകയാണ്.