സിനിമാ-സീരിയല് താരം അപര്ണ നായരെ മരിച്ച നിലയില് കണ്ടെത്തിയ സംഭവത്തില് ഭര്ത്താവ് സഞ്ജിത്തിനെതിരെ നടിയുടെ അമ്മ. രിക്കുന്നതിനു തൊട്ടുമുമ്പ് തന്നെ വീഡിയോ കോള് വിളിച്ച് പോവുകയാണെന്ന് പറഞ്ഞു.
ഇക്കാര്യം സഞ്ജിത്തിനെ അറിയിച്ചെങ്കിലും അവള് പോയി ചാകട്ടെയെന്നു പറഞ്ഞ് പുറത്തുതന്നെ നില്ക്കുകയാണ് ചെയ്തത് എന്നാണ് അമ്മ പറയുന്നത്. പറഞ്ഞുപറഞ്ഞ് ഒടുവില് അരമണിക്കൂര് കഴിഞ്ഞ് നോക്കുമ്പോഴേയ്ക്കും മകള് മരിച്ചെന്നും ബീന മനോരമ ന്യൂസിനോട് പറഞ്ഞു.
ഓഗസ്റ്റ് 31ന് തിരുവനന്തപുരം കരമനയിലെ വീട്ടിനുള്ളിലാണ് അപര്ണയെ തൂങ്ങി മരിച്ച നിലയില് കണ്ടെത്തിയത്. ആത്മഹത്യ ചെയ്യുന്നതിന് മുമ്പ് അമ്മയെ വീഡിയോ കോള് ചെയ്ത് ഭര്ത്താവുമായുള്ള തര്ക്കത്തെ കുറിച്ച് അപര്ണ പറഞ്ഞിരുന്നതായാണ് ബന്ധുക്കളുടെ മൊഴി.
ഭര്ത്താവ് സഞ്ജിതിനും രണ്ട് പെണ്മക്കള്ക്കൊപ്പം കരമന തളിയിലെ വീട്ടിലായിരുന്നു അപര്ണയുടെ താമസം. ഒരു മാസം മുമ്പ് സ്വകാര്യ ആശുപത്രിയിലുണ്ടായിരുന്ന ജോലി രാജി വച്ചിരുന്നു. അപര്ണയുടെയും സഞ്ജിതിന്റെയും രണ്ടാം വിവാഹമായിരുന്നു.
അപര്ണയ്ക്ക് ആദ്യ വിവാഹത്തില് ഒരു മകളുണ്ട്. നാല് വര്ഷം മുമ്പായിരുന്നു സഞ്ജിതുമായുള്ള വിവാഹം. ഇവര്ക്ക് മൂന്ന് വയസ്സുള്ള മകളുണ്ട്. മാസങ്ങള്ക്ക് മുമ്പ് അപര്ണയും ഭര്ത്താവുമായി പ്രശ്നങ്ങള് തുടങ്ങിയിരുന്നു എന്നാണ് നടിയുടെ സഹോദരി നല്കിയ മൊഴി.