സണ്ണി വെയ്നെ നായകനാകുന്ന അനുഗ്രഹീതന് ആന്റണിയിലെ രണ്ടാമത്തെ ഗാനം ബൗ ബൗ പുറത്തുവിട്ടു. ടോപ് സിംഗര് റിയാലിറ്റി ഷോ ഫെയിം അനന്യയും കൗഷിക് മേനോനുമാണ് ഗാനം ആലപിച്ചിരിക്കുന്നത്. നേരത്തെ ചിത്രത്തിലെ കാമിനി എന്ന ഗാനം സോഷ്യല് മീഡിയയില് വൈറലായിരുന്നു. എം.ഷിജിത്ത് നിര്മിക്കുന്ന ചിത്രത്തില് 96 ഫെയിം ഗൗരി കിഷനാണ് നായിക. ജിഷ്ണു എസ് രമേശിന്റേയും അശ്വിന് പ്രകാശിന്റെയും കഥക്ക് തിരക്കഥ ഒരുക്കിയിക്കുന്നത് നവീന് ടി മണിലാല് ആണ്.
സണ്ണി വെയ്ന് ടൈറ്റില് റോളിലെത്തുന്ന ചിത്രം “ഏട്ടുകാലി”, “ഞാന് സിനിമാ മോഹി” എന്നീ ഹ്രസ്വ ചിത്രങ്ങളിലൂടെ ശ്രദ്ധേയനായ പ്രിന്സ് ജോയി ആണ് സംവിധാനം ചെയ്യുന്നത്. “96” എന്ന തമിഴ് ചിത്രത്തിലൂടെ ശ്രദ്ധേയായ ഗൗരി കിഷന് ആണ് നായിക. സിദ്ധിഖ്, സുരാജ് വെഞ്ഞാറമൂട്, ഇന്ദ്രന്സ്, ജാഫര് ഇടുക്കി, മാലാ പാര്വതി തുടങ്ങിയവരാണ് സിനിമയിലെ മറ്റു പ്രധാന താരങ്ങള്.
ആന്റണിയും അയാളുടെ നായയും തമ്മിലുള്ള ആത്മബന്ധം സിനിമയിലെ ഒരു പ്രധാന ഘടകമാണ്. നവീന് ടി മണിലാലാണ് ചിത്രത്തിന് തിരക്കഥ ഒരുക്കിയിരിക്കുന്നത്. ലക്ഷ്യ എന്റര്ടെയ്ന്മെന്സിന്റെ ബാനറില് എം ഷിജിത്താണ് ചിത്രം നിര്മ്മിക്കുന്നത്. ശെല്വകുമാര് എസ് ഛായാഗ്രഹണവും അപ്പു ഭട്ടതിരി എഡിറ്റിങ്ങും നിര്വ്വഹിക്കുന്നു.