നടി അഞ്ജലി അമീറിന്റെ ആരോപണത്തില് പ്രതികരണവുമായി സുഹൃത്ത് അനസ് സി.വി. ഒരുമിച്ച് താമസിക്കാന് താല്പ്പര്യമില്ലെങ്കില് അഞ്ജലി മാറി താമസിക്കൂ എന്നും അഞ്ജലിയുടെ സുരക്ഷിതത്വം മുന്നിര്ത്തിയാണ് ഇതുവരെ കൂടെ നിന്നതെന്നും അനസ് പറഞ്ഞു. രണ്ടു വര്ഷമായി അഞ്ജലിയും അനസും ഒരുമിച്ചായിരുന്നു താമസം.
“താല്പര്യമില്ലെങ്കില് അവള് വേറെ ഏതെങ്കിലും സ്ഥലത്ത് പോയി താമസിക്കട്ടെ. എന്റെ കൂടെ താമസിക്കണ്ട. എനിക്ക് കുടുംബവും വീടും ഒക്കെയുണ്ട്. ആരോരുമില്ലാത്ത കുട്ടിയായതുകൊണ്ടാണ് ഞാന് ഇതിനൊക്കെ നിന്നുകൊടുത്തത്. അഞ്ജലിയെ സുഹൃത്തുക്കള് വഴി തെറ്റിക്കുകയാണ്.” അനസ് മനോരമയോട് പറഞ്ഞു.
ലിവിംഗ് ടുഗദര് പങ്കാളിയില് നിന്ന് തനിക്ക് വധഭീഷണിയുണ്ടെന്ന് ഫെയ്സ്ബുക്ക് ലൈവിലെത്തിയാണ് അഞ്ജലി വെളിപ്പെടുത്തിയത്. ബന്ധം പിരിഞ്ഞാല് കൊല്ലുമെന്നും മുഖത്ത് ആസിഡ് ഒഴിക്കുമെന്ന് ഭീഷണിപ്പെടുത്തുന്നെന്നും ആത്മഹത്യയുടെ വക്കിലാണ് താനെന്നുമാണ് വീഡിയോയില് അഞ്ജലി പറഞ്ഞത്.