മുപ്പത്തിയഞ്ചാം ജന്മദിനം ആഘോഷിക്കുകയാണ് നടി ആന്ഡ്രിയ ജെര്മിയ. കഴിഞ്ഞ ദിവസമാണ് താരം പിറന്നാള് ആഘോഷമാക്കിയത്. താരത്തിന്റെതായി ഒരുങ്ങുന്ന രണ്ട് ചിത്രങ്ങളുടെ ലുക്ക് പോസ്റ്ററുകളാണ് സോഷ്യല് മീഡിയയില് വൈറലായിരുന്നത്. “പിസാസ് 2”, “മാസ്റ്റര്” എന്നീ ചിത്രങ്ങളിലെ ആന്ഡ്രിയയുടെ വ്യത്യസ്തമായ ലുക്കാണ് ചര്ച്ചയാകുന്നത്.
“”മെഴുകുതിരികള് കൊളുത്തി നമുക്ക് നമ്മുടെ കേന്ദ്ര കഥാപാത്രത്തിന്റെ സ്പെഷ്യല് ദിവസം ആഘോഷിക്കാം”” എന്ന് കുറിച്ചാണ് സംവിധായകന് മിഷ്കിന് പിസാസ് 2വിന്റെ ലുക്ക് പോസ്റ്റര് പങ്കുവെച്ചത്. തലയില് സ്കാര്ഫും കൈയില് വാച്ചുമായി ഒരു ടേബിളിന് മുന്നില് ഇരിക്കുന്ന രീതിയിലാണ് പോസ്റ്ററില് ആന്ഡ്രിയ പ്രത്യക്ഷപ്പെട്ടിരിക്കുന്നത്.
ഡാവിഞ്ചിയുടെ മൊണാലിസയെ പോപ്പോലെ നിഗൂഢമായ ഭാവത്തിലാണ് പോസ്റ്ററില് ആന്ഡ്രിയ എത്തിയിരിക്കുന്നത്. അതേസമയം, വിജയ്ക്കൊപ്പം ഒരു കൂട്ടം ആളുകള്ക്ക് നടുവില് ഇരിക്കുന്ന പോസ്റ്ററാണ് മാസ്റ്റര് ചിത്രത്തിന്റെതായി പുറത്തു വന്നിരിക്കുന്നത്.
വിജയ്ക്കൊപ്പം പുഞ്ചിരിയോടെ ഇരിക്കുന്ന ആന്ഡ്രിയയുടെ ചിത്രം ശ്രദ്ധ നേടുകയാണ്. വിജയ്ക്കൊപ്പം പ്രധാനപ്പെട്ട റോളിലാണ് ആന്ഡ്രിയ എത്തുന്നത് എന്ന് ചിത്രത്തില് നിന്നും വ്യക്തമാണ്. ഇതോടെ ആന്ഡ്രിയയും മാളവിക മോഹനനും പ്രധാന വേഷത്തില് എത്തുന്നതിനാല് രണ്ടു നായികമാരുമായി കഥാഗതി എങ്ങനെ പോകും എന്ന തരത്തിലാണ് ആരാധകരുടെ ചര്ച്ചകള്.