കോവിഡ് ബാധിതർക്ക് സഹായം എത്തിക്കാൻ ആരംഭിച്ച ഗൗതം ഗംഭീർ ഫൗണ്ടേഷന് ഒരു കോടി രൂപ സംഭാവന നൽകി ബോളിവുഡ് നടൻ അക്ഷയ്കുമാർ. മുൻ ഇന്ത്യൻ ക്രിക്കറ്റ് താരവും ഡൽഹിയിൽ നിന്നുള്ള ബിജെപി എം പിയുമായ ഗൗതം ഗംഭീർ തന്നെയാണ് ഫൗണ്ടേഷനിലക്ക് അക്ഷയ് സഹായം നൽകിയ വിവരം അറിയിച്ചത്.
‘അന്ധകാരത്തിൽ വരുന്ന എല്ലാ സഹായങ്ങളും പ്രതീക്ഷയുടെ ഒരു കിരണമാണ്. അശരണർക്ക് ഭക്ഷണവും മരുന്നും ഓക്സിജനും എത്തിക്കാൻ ഗൗതം ഗംഭീർ ഫൗണ്ടേഷന് ഒരു കോടി രൂപ നൽകിയ അക്ഷയ് കുമാറിന് ഒരുപാട് നന്ദി. ദൈവം അനുഗ്രഹിക്കട്ടെ’ -ഗംഭീർ ട്വീറ്റ് ചെയ്തു.
നാമെല്ലാവരും ഉടൻ തന്നെ ഈ പ്രതിസന്ധിയിൽ നിന്ന് കരകയറുമെന്ന് പ്രത്യാശയോടെയാണ് ഗംഭീറിന്‍റെ ട്വീറ്റിന് അക്ഷയ് മറുപടി എഴുതിയത്.