വിനയന് ഒരുക്കിയ ഹൊറര് കോമഡി എന്റര്ടെയ്നര് ആകാശഗംഗ 2 തിയേറ്ററുകളില് മികച്ച പ്രതികരണങ്ങള് നേടി മുന്നേറുകയാണ്. ഇപ്പോഴിതാ ചിത്ത്രതിലെ രസകരമായ ഒരു രംഗം പുറത്തുവിട്ടിരിക്കുകയാണ് അണിയറ പ്രവര്ത്തകര്. വിഷ്ണു വിനയ്, ശ്രീനാഥ് ഭാസി നായികയായ വീണ നായര്, സലിം കുമാര്, ഹരീഷ് കണാരന് എന്നിവര് ഉള്പ്പെടുന്ന കോളേജ് ക്യാമ്പസിലെ ഒരു രംഗമാണ് റിലീസ് ചെയ്തത്.
20 വര്ഷം മുമ്പ് വിനയന് സംവിധാനം ചെയ്ത ചിത്രമായ ആകാശഗംഗയുടെ രണ്ടാം ഭാഗമാണ് ചിത്രം. ദിവ്യഉണ്ണി അഭിനയിച്ച മായത്തമ്പുരാട്ടി ഗര്ഭിണിയായി മാണിക്കശേരി കോവിലകത്ത് എത്തുന്നിടത്താണ് ആകാശഗംഗ അവസാനിക്കുന്നതെങ്കില് മായയുടെ മകള് ആതിരയുടെ കഥയാണ് ആകാശഗംഗ-2 പറയുന്നത്.
രമ്യാ കൃഷ്ണന്, വിഷ്ണു ഗോവിന്ദ്, ധര്മ്മജന് ബോള്ഗാട്ടി, രാജാമണി, ഹരീഷ് പേരടി, സുനില് സുഗത, ഇടവേള ബാബു, റിയാസ്, സാജു കൊടിയന്, നസീര് സംക്രാന്തി, രമ്യ കൃഷ്ണന്, പ്രവീണ, തെസ്നി ഖാന്, വത്സലാ മേനോന്, ശരണ്യ തുടങ്ങിയവരാണ് സിനിമയിലെ മറ്റു താരങ്ങള്. ആകാശ് ഫിലിംസിന്റെ ബാനറില് നിര്മിക്കുന്ന ആകാശഗംഗ 2വിന്റെ ഛായാഗ്രഹണം പ്രകാശ് കുട്ടി നിര്വ്വഹിക്കുന്നു. ബിജിബാലാണ് സംഗീതം.