വോട്ട് ചെയ്യാനെത്തിയ തല അജിത്തിന്റെ ഒരു വീഡിയോയാണ് സോഷ്യല് മീഡിയയില് ചര്ച്ചയായി കൊണ്ടിരിക്കുന്നത്. തിരുവാണ്മിയൂര് സ്കൂളിലാണ് അജിത്തും ശാലിനിയും വോട്ട് ചെയ്യാനെത്തിയത്. പ്രിയ താരം എത്തിയതോടെ ബൂത്തില് ആരാധകരും നിറഞ്ഞു.
ഇതിനിടയില് ചിലര് അജിത്തിനൊപ്പം സെല്ഫി എടുക്കാനുള്ള ശ്രമവും തുടങ്ങി. എന്നാല് മാസ്ക് വെക്കാതെ എത്തിയ അടുത്ത് വന്ന് സെല്ഫി എടുക്കാന് ശ്രമിച്ച ആരാധകന്റെ കൈയ്യില് നിന്നും അജിത്ത് ഫോണ് തട്ടിപ്പറിച്ച് വാങ്ങി. അയാളോട് അവിടെ നിന്നും പോകാനും താരം ആവശ്യപ്പെട്ടു.
കോവിഡ് മാനദണ്ഡങ്ങളോ ശാരീരിക അകലമോ പാലിക്കാതെയാണ് ഇയാള് ഫോട്ടോ എടുക്കാനെത്തിയത്. സംഭവത്തിന്റെ വീഡിയോ സോഷ്യല് മീഡിയയില് ചര്ച്ചയാവുകയാണ്. ഇതിനെ അനുകൂലിച്ചും പ്രതികൂലിച്ചും നിരവധി പേര് രംഗത്തെത്തിയിട്ടുണ്ട്.
അതേസമയം, സൂര്യ, വിജയ്, രജനികാന്ത്, കമല്ഹാസന്, ശിവ കാര്ത്തികേയന്, ഉദയനിധി സ്റ്റാലിന് തുടങ്ങിയ സൂപ്പര് താരങ്ങളടക്കം രാവിലെ തന്നെ വോട്ട് ചെയ്യാനെത്തി. സൈക്കിളിലാണ് നടന് വിജയ് വോട്ട് ചെയ്യാനെത്തിയത്. ഇന്ധന വില വര്ധയ്ക്കെതിരെ കേന്ദസര്ക്കാരിനോടുള്ള പ്രതിഷേധ സൂചകമായാണ് വിജയ് സൈക്കിളില് എത്തിയത് എന്നാണ് സൂചന.