മുൻ കാമുകനെ കണ്ടിട്ടും കാണാത്തമട്ടിൽ ഒന്നും മിണ്ടാതെ ഐശ്വര്യ റായ്. ഇന്ത്യൻ സന്ദർശനത്തിന് എത്തിയ ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹുവിനായി ബോളിവുഡ് താരങ്ങൾ മുംബൈയിൽ ഒരുക്കിയ സൽക്കാരത്തിൽ ആയിരുന്നു ഐശ്വര്യ റായിയും വിവേക് ഒബ്റോയിയും ഒരേ വേദിയിൽ എത്തിയത്.
പരസ്പരം അടുത്ത് നിന്നെങ്കിലും കാണാത്ത മട്ടിൽ വിവേകിൽ നിന്ന് ഐശ്വര്യ ഒഴിഞ്ഞുമാറുകയായിരുന്നു. സെൽഫിക്കായി ഒരുമിച്ച് എത്തിയെങ്കിലും ഐശ്വര്യയും വിവേകും സംസാരിച്ചില്ല. വിവേകിനെ കണ്ടിട്ടും കണ്ടില്ലെന്ന മട്ടിൽ ഐശ്വര്യ ഭർത്താവ് അഭിഷേകിനൊപ്പം മാറി നിന്നതായാണ് ദേശീയ മാധ്യമങ്ങൾ റിപ്പോർട്ട് ചെയ്തത്. പരിപാടി കഴിയുന്നതുവരെ ഐശ്വര്യയ്ക്ക് ഒപ്പം അഭിഷേക് ഉണ്ടായിരുന്നു. അമിതാഭ് ബച്ചൻ, ഭാര്യ ജയ ബച്ചൻ എന്നിവരും വിരുന്നിൽ പങ്കെടുക്കാനെത്തി.
വിവേക് ഒബ്റോയ് ഭാര്യ പ്രിയങ്കയ്ക്ക് ഒപ്പമാണ് എത്തിയത്. വിരുന്നിനിടയിൽ ഇരുവരും പരസ്പരം കണ്ടുമുട്ടുന്നത് ഒഴിവാക്കി. എന്നാൽ ഇസ്രയേൽ പ്രധാനമന്ത്രിക്ക് ഒപ്പം പകർത്തിയ സെൽഫിയിൽ ഇരുവർക്കും ഒരുമിക്കേണ്ടി വന്നു. അമിതാഭ് ബച്ചനായിരുന്നു സെൽഫി പകർത്തിയത്. സൽമാൻ ഖാനുമായുളള പ്രണയത്തകർച്ചയ്ക്കുശേഷമാണ് വിവേക് ഒബ്റോയിയുമായി ഐശ്വര്യ അടുക്കുന്നത്.
ബോളിവുഡിൽ സൂപ്പർ താരമായി വിവേക് വളർന്നുവരുന്ന സമയമായിരുന്നു അത്. എന്നാൽ 2003 ൽ വാർത്താസമ്മേളനത്തിൽ വിവേക് ചില വെളിപ്പെടുത്തലുകൾ നടത്തിയതോടെ ഇരുവരും വേർപിരിയുകയായിരുന്നു.