സൂപ്പര്ഹിറ്റ് ചിത്രം ‘സ്ഫടികം’.പുറത്തിറങ്ങി വര്ഷങ്ങള്ക്കിപ്പുറവും ആടുതോമ ഇന്നും മലയാളിപ്രേക്ഷകരുടെ മനസ്സില് ഒളിമങ്ങാതെ കിടപ്പുണ്ട്. ഇപ്പോഴിചാ പുതിയ സാങ്കേതിക മികവില് ചിത്രം വീണ്ടും തിയറ്ററുകളില് എത്തിക്കാനുള്ള തയ്യാറെടുപ്പിലാണ് ഭദ്രന്. ചിത്രത്തിന്റെ 24ാം വാര്ഷിക വേളയിലായിരുന്നു സംവിധായകന് ഇക്കാര്യം മലയാളികളെ അറിയിച്ചത്. ഇപ്പോഴിതാ റീമാസ്റ്ററിങ് പതിപ്പിന്റെ അപ്ഡേറ്റ് പങ്കുവെച്ചിരിക്കുകയാണ് ഓള്ഡ് മങ്ക്സ് ഡിസൈന് സംഘം.
‘ഭദ്രന് സാറിനോടൊപ്പം. മുഴുവന് മലയാളികള്ക്കുമൊപ്പം ഞങ്ങളും കാത്തിരിക്കുന്നു. ആടുതോമയെ വീണ്ടും ബിഗ്സ്ക്രീനില് കാണാന്! ബിഗ് സ്ക്രീനില് ഫോര്കെ ഡോള്ബി അറ്റ്മോസ് റീമാസ്റ്റേര്ഡ് പതിപ്പുമായി ആടു തോമ വീണ്ടും വരുന്നു. കാത്തിരിക്കുക!’, എന്നാണ് ഓള്ഡ് മങ്ക്സ് ഡിസൈനിന്റെ പേജില് കുറിച്ചത്. ഭദ്രനൊപ്പമുള്ള ഓള്ഡ് മങ്ക്സ് സംഘത്തിന്റെ ചിത്രവും പങ്കുവെച്ചിട്ടുണ്ട്. പുതിയ സാങ്കേതിക മികവില് ചിത്രം ഉടന് തിയറ്ററുകളില് എത്തുമെന്നാണ് വിവരം.
ഭദ്രന്റെ ഫെയ്സ്ബുക്ക് പോസ്റ്റ്
സ്ഫടികം ഒരു നിയോഗമാണ് ഞാന് വളര്ന്ന നാടും, നാട്ടുകാരും എന്റെ മാതാപിതാക്കളും , ഗുരുക്കളുമൊക്കെയാണ് ആ സിനിമയുടെ ഉടയോന്മാര് . അത് എനിക്ക് മുന്നില് ഇണങ്ങി ചേര്ന്നിരുന്നില്ലെങ്കില് സ്ഫടികം സംഭവിക്കുമായിരുന്നില്ല.
നിങ്ങള് ഹൃദയത്തിലേറ്റിയ സ്ഫടികം സിനിമ റിലീസിംഗിന്റെ 24-ാം വാര്ഷികം ആഘോഷിക്കുകയാണ്. ഈ സിനിമയെ ഇത്രമാത്രം സ്നേഹിക്കുന്ന എന്റെ പ്രേക്ഷകര്ക്ക് വലിയ സന്തോഷം നല്ക്കുന്ന ഒരു വാര്ത്ത നല്കാന് ഞാന് ആഗ്രഹിക്കുന്നു.
സ്ഫടികത്തിന്റെ രണ്ടാം ഭാഗമില്ല ,എന്നാല് ആടുതോമയും ചാക്കോ മാഷും റെയ് ബാന് ഗ്ലാസ്സും ഒട്ടും കലര്പ്പില്ലാതെ ,നിങ്ങള് സ്നേഹിച്ച സ്ഫടികം സിനിമ 4 K ശബ്ദ ദ്രശ്യ വിസ്മയങ്ങളോടെ ,അടുത്ത വര്ഷം ,സിനിമയുടെ റിലീസിംഗിന്റെ 25-ാം വാര്ഷികത്തോടനുബന്ധിച്ച് പ്രമുഖ തിയറ്ററുകളില് പ്രദര്ശനത്തിനെത്തിക്കും.
ഭൂമിയുള്ളടത്തോളം കാലം നിങ്ങളുടെ സ്ഫടികം നമ്മോടൊപ്പം ജീവിക്കും….’ ഇന്നും സൂര്യനേ പോലെ കത്തി ജ്വലിക്കുന്നു. ‘