മലയാളത്തിന്റെ പ്രിയ നായിക ഒൻപത് വർഷത്തിന് ശേഷം തിരിച്ചു വരുന്നു; ശ്രീനാഥ് ഭാസി ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്ത്

ശ്രീനാഥ് ഭാസിയെ പ്രധാനകഥാപാത്രമാക്കി നവാഗതനായ ജോ ജോർജ് സംവിധാനം ചെയ്യുന്ന പുതിയ ചിത്രം ‘ആസാദി’യുടെ ഫസ്റ്റ് ലുക്ക് പോസ്റ്റർ പുറത്ത്. മലയാള സിനിമയിലെ ആക്ഷൻ നായികയായിരുന്നു വാണി വിശ്വനാഥ് ഒൻപത് വർഷങ്ങൾക്ക് ശേഷം മലയാള സിനിമയിലേക്ക് മടങ്ങിയെത്തുന്ന ചിത്രം കൂടിയാണ് ആസാദി.

മലയാള സിനിമയിൽ ശക്തമായ വനിതാ പൊലീസ് വേഷങ്ങളിൽ തിളങ്ങി കയ്യടി വാങ്ങിയിട്ടുള്ള താരമാണ് വാണി വിശ്വനാഥ്. പുതിയ സിനിമയിലും വാണി പ്രധാനപ്പെട്ട ഒരു പൊലീസ് കഥാപാത്രത്തെയാണ് അവതരിപ്പിക്കുന്നത്.

ശ്രീനാഥ് ഭാസിയുടെ അൻപതാമത് ചിത്രം കൂടിയാണ് സാഗർ തിരക്കഥയെഴുതുന്ന ആസാദി. സത്യം മാത്രമേ ബോധിപ്പിക്കൂ, കനകരാജ്യം, കുമ്പാരീസ്, വിക്രാ തുടങ്ങിയ ചിത്രങ്ങളുടെ സംവിധായകൻ കൂടിയാണ് സാഗർ.

ലാൽ, സൈജു കുറുപ്പ്, രവീണ രവി, ടി. ജി രവി, രാജേഷ് ശർമ, ജിലു ജോസഫ് തുടങ്ങിയവരും അണിനിരക്കുന്നു. ഹരി നാരായണന്റെ വരികൾക്ക് വരുൺ ഉണ്ണിയാണ് സംഗീതം നൽകിയിരിക്കുന്നത്. ലിറ്റിൽ ക്രൂ പ്രൊഡക്ഷൻസിന്‍റെ ബാനറിൽ ഫൈസൽ രാജയാണ് ആസാദി നിർമ്മിക്കുന്നത്.