ഒരു കാലത്ത് തമിഴിലും മലയാളത്തിലും തെലുങ്കിലും അടക്കം നിറഞ്ഞുനിന്ന നായികയായിരുന്നു നടി അമല. തെലുങ്ക് സൂപ്പര് താരം നാഗാര്ജുനയുമായുള്ള വിവാഹത്തോടെയാണ് അമല അഭിനയത്തില് നിന്നും മാറി നിന്നത്. 1987ല് കിരായി ദാദ എന്ന ചിത്രത്തില് ഒന്നിച്ച് അഭിനയിച്ചതോടെയാണ് നാഗാര്ജുനയും അമലയും സുഹൃത്തുക്കളാകുന്നത്.
നാഗാര്ജുന ആദ്യ ഭാര്യ ലക്ഷ്മിയുമായി വേര്പിരിഞ്ഞതോടെ അമലയുമായി കൂടുതല് അടുത്തു. അതോടെ ഇരുവരും പ്രണയത്തിലാവുകയും 1992ല് വിവാഹിതരാവുകയും ചെയ്തു. വിവാഹത്തിന് ശേഷം സിനിമയില് നിന്ന് വിട്ടുനിന്ന അമല നാഗാര്ജുനയുടെ നിര്മ്മാണ കമ്പനികളുടെയും ഷൂട്ടിംഗ് സ്പോട്ടുകളുടെയും നടത്തിപ്പുകള് നോക്കി നടത്തി.
വിവാഹത്തിന് മുമ്പ് നാഗാര്ജുന അമലയ്ക്ക് മുന്നില് നിബന്ധന വച്ചിരുന്നാതായാണ് നടി കുട്ടി പത്മിനി ഇപ്പോള് വെളിപ്പെടുത്തിയിരിക്കുന്നത്. നാഗാര്ജുനയ്ക്ക് സ്ത്രീകള് മെലിഞ്ഞിരിക്കുന്നതാണ് ഇഷ്ടം. തന്റെ ഭാര്യ അങ്ങനെയാവണം എന്നാണ് നടന് ആഗ്രഹിച്ചത്.
തടി കൂട്ടുകയില്ലെന്നും ഇപ്പോഴുള്ളത് പോലെ ശരീരം നിലനിര്ത്തണം എന്നുമാണ് നാഗാര്ജുന വിവാഹത്തിന് മുമ്പ് അമലയ്ക്ക് മുന്നില് വച്ച നിബന്ധന. അങ്ങനെ ചെയ്തില്ലെങ്കില് തങ്ങളുടെ ബന്ധം വിവാഹമോചനത്തില് പോലും അവസാനിച്ചേക്കാം എന്നും നടന് പറഞ്ഞിരുന്നു.
അതിനാല് അമല ഇപ്പോഴും ആ വാക്ക് തുടരുകയാണ്. വിവാഹം കഴിഞ്ഞ് 30 വര്ഷത്തോളമായിട്ടും ഭക്ഷണക്രമത്തിലൂടെയും വ്യായാമത്തിലൂടെയും അമല തന്റെ ഭാരം നിലനിര്ത്തുന്നുണ്ട് എന്നാണ് കുട്ടി പത്മിനി ഒരു അഭിമുഖത്തില് പറഞ്ഞിരിക്കുന്നത്.