1978- ല് ജി അരവിന്ദന്റെ “തമ്പ്” എന്ന ചിത്രത്തിലൂടെ സിനിമാ ലോകത്തെത്തിയ നടിയാണ് ജലജ. പിന്നീടിങ്ങോട്ട് നിരവധി സിനിമകള് ജലജയെ തേടിയെത്തി. ലെനിന് രാജേന്ദ്രന് സംവിധാനം ചെയ്ത വേനല് എന്ന ചലച്ചിത്രത്തിലെ അഭിനയത്തിന് 1981- ലെ മികച്ച നടിക്കുള്ള കേരള സംസ്ഥാന ചലച്ചിത്ര പുരസ്കാരവും ഫിലിംഫെയര് പുരസ്കാരവും ജലജയ്ക്ക് ലഭിച്ചു. നിരവധി പ്രഗല്ഭരായ സംവിധായകരുടെ ചിത്രങ്ങളില് അഭിനയിച്ച ജലജ വിവാഹ ശേഷം സിനിമയില് നിന്നും മാറി.
ഇപ്പോഴിതാ ഫഹദ് ഫാസില് ചിത്രം മാലിക്കിലൂടെ ജലജ വീണ്ടും അഭിനയ രംഗത്തേയ്ക്ക് മടങ്ങി എത്തുകയാണ്. ടേക്ക് ഓഫ് ടീം വിണ്ടുമൊന്നിക്കുന്ന ചിത്രം മഹേഷ് നാരായണന് ആണ് തിരക്കഥയെഴുതി സംവിധാനം ചെയ്യുന്നത്. 25 കോടി മുതല്മുടക്കില് ആന്റോ ജോസഫാണ് ചിത്രം നിര്മ്മിക്കുന്നത്. മഹേഷ് നാരായണന് ആദ്യമായി സംവിധാനം ചെയ്ത ടേക്ക് ഓഫില് പ്രവര്ത്തിച്ചവരാണ് മാലിക്കിനും പിന്നിലും അണിനിരക്കുന്നത്.
ഫഹദിനൊപ്പം ചിത്രത്തില് ബിജു മേനോന് , വിനയ് ഫോര്ട്ട്, ദിലീഷ് പോത്തന്, അപ്പാനി ശരത്ത്, ഇന്ദ്രന്സ്, നിമിഷ സജയന് തുടങ്ങിയവരും പ്രധാനതാരങ്ങളാകുന്നു. ടേക്ക് ഓഫിലൂടെ ദേശീയ അവാര്ഡ് നേടിയ സന്തോഷ് രാമന് കലാസംവിധാനം നിര്വഹിക്കുന്ന മാലിക്കിന്റെ ഛായാഗ്രഹണം സാനു ജോണ് ആണ്. സുഷിന് ശ്യാം സംഗീതം നിര്വഹിക്കുക്കുന്ന ചിത്രം 2020 ഏപ്രിലില് തിയേറ്ററുകളിലെത്തും.