ചെറുപ്പം മുതലേ കോകിലയ്ക്ക് തന്നെ ഇഷ്ടമായിരുന്നുവെന്ന് നടന് ബാല. ഇന്ന് രാവിലെ കലൂര് പാവക്കുളം ക്ഷേത്രത്തില് വച്ചാണ് ബാല നാലാമതും വിവാഹിതനായത്. തന്റെ അമ്മാവന്റെ മകളെയാണ് ബാല വിവാഹം ചെയ്തത്. കുട്ടിക്കാലം മുതല് ബാലയെ തനിക്ക് വളരെ ഇഷ്ടമായിരുന്നു എന്ന് കോകിലയും മാധ്യമങ്ങളോട് വ്യക്തമാക്കി.
”ചിന്ന വയസിലിരിന്തേ മാമാവെ എനക്ക് റൊമ്പ പുടിക്കും. നാന് ചെന്നൈയില താ ഇരിന്തെ. അതിനാല ഇങ്ക നടക്കിറ എതവും എനിക്ക് തെരിയാത്. ഇങ്ക വന്തതിക്ക് അപ്പുറം താ മട്ര് വിഷയത്തെ പത്തിയെല്ലാം പുരിഞ്ചത്. അവരെ പത്തി നാന് വീട്ടിലെ ഡയറി കൂടെ എഴുതി വച്ചിരിക്ക് (കുട്ടിക്കാലം മുതല് എനിക്ക് ബാലയെ ഒത്തിരി ഇഷ്ടമാണ്.)
(ചെന്നൈയിലാണ് എന്റെ വീട്. അതുകൊണ്ട് ഇവിടെ നടക്കുന്ന കാര്യങ്ങളൊന്നും എനിക്ക് അറിയില്ലായിരുന്നു. ഇവിടെ വന്ന ശേഷമാണ് എല്ലാം മനസിലായത്. ബാലയെ കുറിച്ച് ഒരു ഡയറി വരെ ഞാന് എഴുതി വച്ചിട്ടുണ്ട് വീട്ടില്) എന്നാണ് കോകില പറഞ്ഞത്. അതേസമയം, സത്യസന്ധമായ സ്നേഹം എന്താണെന്ന് വര്ഷങ്ങള്ക്ക് ശേഷം കോകിലയുടെ ഡയറി വായിക്കാനിടയായപ്പോഴാണ് മനസിലായതെന്ന് ബാല പറഞ്ഞു.
നമുക്കും കുടുംബജീവിതമുണ്ടെന്നും നമ്മളെ സ്നേഹിക്കുന്നവരുണ്ടെന്നും ആത്മാര്ത്ഥതയുണ്ടെന്നും മനസിലായി. ആ ഡയറി ഒരിക്കലും ഒരു കള്ളത്തരമല്ല. ഞാന് കണ്ടുവളര്ന്നതാണ് അവളെ. എല്ലാവരും സന്തോഷമായിരിക്കണം. ആരുടേയും പേരെടുത്ത് പറയുന്നില്ല. 99 പേര്ക്ക് നല്ലതുചെയ്തിട്ട് ഒരാള് കുറ്റപ്പെടുത്തിയാല് ശരിയല്ല.
കാലം കടന്നുപോവുന്തോറും പക്വത വരും. ചെന്നൈയിലേക്ക് താമസം മാറുന്നതിനെ കുറിച്ച് ആലോചിച്ചിട്ടില്ല. കേരളം വലിയ ഇഷ്ടമാണ്. മലയാളികളെ അങ്ങനെയൊന്നും പൂര്ണമായി ഉപേക്ഷിച്ച് പോവില്ല. കുറേ നല്ല കാര്യങ്ങള് ചെയ്യുന്നുണ്ട്. ഒരിക്കലും അത് മുടങ്ങില്ല. അമ്മയോട് ഫോണില് സംസാരിച്ചിരുന്നു. സന്തോഷവതിയാണ് എന്നാണ് ബാല പറയുന്നത്.