വെള്ളപ്പൊക്കത്തില് വലഞ്ഞ ആമിര് ഖാനും വിഷ്ണു വിശാലിനും സഹോയമെത്തിച്ച് നടന് അജിത്ത്. എക്സ് അക്കൗണ്ടിലൂടെ വിഷ്ണു വിശാലാണ് തങ്ങളെ സഹായിക്കാന് അജിത് മുന്നോട്ടുവന്ന വിവരം അറിയിച്ചത്. കഴിഞ്ഞ ദിവസം പ്രളയത്തില് കുടുങ്ങിയ ആമിറിനെയും വിഷ്ണുവിനെയും റെസ്ക്യൂ ടീം രക്ഷപ്പെടുത്തിയിരുന്നു.
”ഒരു സുഹൃത്ത് വഴി ഞങ്ങളുടെ അവസ്ഥ മനസിലാക്കിയ അജിത്ത് സര് സഹായസന്നദ്ധനായി എത്തുകയായിരുന്നു. ഞങ്ങള്ക്കും ഞങ്ങളുടെ വില്ലകളിലെ മറ്റുള്ളവര്ക്കും അദ്ദേഹം യാത്രാസൗകര്യങ്ങള് ഏര്പ്പെടുത്തി തന്നു. നിങ്ങളെ ഞാന് സ്നേഹിക്കുന്നു അജിത് സര്” എന്ന് കുറച്ച് അജിത്തിനൊപ്പമുള്ള ചിത്രം വിഷ്ണു വിശാല് എക്സില് പോസ്റ്റ് ചെയ്തു.
മിഷോങ് ചുഴലിക്കാറ്റിനെ തുടര്ന്നുണ്ടായ വെള്ളപ്പൊക്കത്തില് ചെന്നൈയില് കാരപ്പാക്കത്താണ് വിഷ്ണു വിശാലും ആമിര് ഖാനും അടക്കമുള്ള ആളുകള് കുടുങ്ങിയത്. വിഷ്ണു താമസിക്കുന്ന അതേ വില്ല കമ്മ്യൂണിറ്റിയിലാണ് ആമിറും താമസിച്ചിരുന്നത്. അമ്മയുടെ ചികിത്സയ്ക്കാണ് ആമിര് ചെന്നൈയില് എത്തിയത്.
30ല് ഏറെ പേരെയാണ് കാരപ്പാക്കത്തെ വില്ലാ കമ്മ്യൂണിറ്റിയില് നിന്ന് രക്ഷപ്പെടുത്തിയതെന്ന് വിഷ്ണു വിശാല് രക്ഷാപ്രവര്ത്തകര്ക്ക് നന്ദി പറഞ്ഞു കൊണ്ടുള്ള പോസ്റ്റില് വ്യക്തമാക്കിയിരുന്നു. തങ്ങളുടെ കയ്യിലുണ്ടായിരുന്ന ഭക്ഷണം അവര്ക്ക് നല്കി. ഇടതടവില്ലാതെ ജോലി ചെയ്തുകൊണ്ടിരിക്കുന്ന ഇവരെപ്പോലുള്ളവരേയും സഹായിക്കണമെന്നും വിഷ്ണു എക്സിലൂടെ ആവശ്യപ്പെട്ടിരുന്നു.