ബോഡി ഷെയ്മിംഗ് ട്രോളുകള്‍ക്കെതിരെ പ്രതികരിച്ച് അഭിരാമി സുരേഷ്. താടിയെല്ല് അല്‍പ്പം മുന്നോട്ടായ പ്രോഗ്നാത്തിസം എന്ന അവസ്ഥയുടെ പേരിലാണ് അഭിരാമിക്ക് എതിരെ ട്രോളുകള്‍ പ്രചരിക്കുന്നത്. അടുത്തിടെ അഭിരാമിയുടെ അഭിമുഖം വന്ന ആര്‍ട്ടിക്കിളിന് പോലും കമന്റുകള്‍ എത്തിയതോടെ ഇന്‍സ്റ്റാഗ്രാമില്‍ പ്രതികരണം അറിയിച്ചിരിക്കുകയാണ് താരം.
അഭിരാമിയുടെ കുറിപ്പ്:
അഭിമുഖം വന്നതിന് ശേഷം പരിഹാസ്യമായ കമന്റുകളാണ് കാണുന്നത്. എന്റെ താടിയെല്ലിനെയും സ്വകാര്യ കാര്യങ്ങളെ കുറിച്ചും വളരെയധികം താത്പര്യമുള്ള കുറച്ചു പേര്‍ക്ക് മറുപടി നല്‍കണമെന്ന് തോന്നുന്നു.
ചുമ്മാ എന്റെ ചുണ്ടിനടിയില്‍ ഹാന്‍സ് ഉണ്ടോ എന്നുള്ള കമന്റ് വായിച്ചു വായിച്ചു ഇപ്പൊ ബോറായി. “സാധനം”” “”അഹങ്കാരി”” “”ജാടതെണ്ടി”” മുതലായവ കേള്‍ക്കുമ്പോ തോന്നിയിട്ടുണ്ട് എന്നെ യാതൊരു പരിചയവുമില്ലാത്ത എന്തിനാണ് പ്രഹസനങ്ങള്‍ എന്ന്. എന്തായാലും ഹാന്‍സും ശംഭുവും ഒകെ അവിടെ തന്നെ ഇരിക്കട്ടെ,
ഭൂമിയിലേക്ക് പോന്നപ്പോള്‍ ദൈവം തന്നയച്ചതാ. ഇപ്പൊ വരെ എടുത്ത് കളയാന്‍ തോന്നീട്ടില്ല,
ഇനി ഭാവിയില്‍ ഹാന്‍സിനോടുള്ള താത്പര്യം പോവുമോ എന്നുമറിയില്ല.
ആരെയും ഉപദ്രവിക്കാതെ ഇരിക്കുന്നവരെ കുത്തുമ്പോ എന്ത് സുഖമാണോ എന്തോ ചിലര്‍ക്ക് കിട്ടുന്നത്, അല്ലെ? ചിന്തിച്ചിട്ടുണ്ടോ?