ദിലീഷ് കരുണാകരൻ തിരക്കഥയെഴുതി സംവിധാനം ചെയ്യുന്ന ‘ലൗലി’ എന്ന ചിത്രത്തിലൂടെ ആഷിഖ് അബു ഛായാഗ്രഹകനാകുന്നു.സിനിമയുടെ ഫസ്റ്റ് ലുക്ക് പോസ്റ്റർ സോഷ്യൽ മീഡിയയിലൂടെ പങ്കുവെച്ചിരിക്കുകയാണ് ചിത്രത്തിന്റെ അണിയറപ്രവർത്തകർ.
യുവ നടൻ മാത്യു തോമസാണ് പ്രാധാന വേഷത്തിലെത്തുന്നത്. സാൾട്ട് ആൻഡ് പെപ്പെർ,ഡാ തടിയാ,ഇടുക്കി ഗോൾഡ്, മായാനദി എന്നീ സിനിമകളുടെ സഹ തിരക്കഥാക്കൃത്തായിരുന്ന ദിലീഷ് കരുണാകരൻ സംവിധായകനാവുന്ന രണ്ടാമത്തെ ചിത്രമാണ് ‘ലൗലി’. ആദ്യ ചിത്രം പൃഥ്വിരാജ് നായകനായ ‘ടമാർ പഠാർ’ ആയിരുന്നു.
സംവിധായകനായും,നിർമ്മാതാവായും പ്രവർത്തിച്ചിട്ടുള്ള ആഷിഖ് അബു ഈ സിനിമയിലൂടെ ഛായാഗ്രഹകൻ കൂടിയാവുമ്പോൾ സിനിമയ്ക്ക് പ്രതീക്ഷകൾ തീർച്ചയായും കൂടുകയാണ്. വെസ്റ്റേൺ ഘട്ട്സ് പ്രൊഡക്ഷൻസിന്റെ ബാനറിൽ ശരണ്യയും ഡോ. അമർ രാമചന്ദ്രനും നിർമ്മിക്കുന്ന ചിത്രത്തിന്റെ സംഗീതം നിർവഹിക്കുന്നത് വിഷ്ണു വിജയ് ആണ്.