ബി. ഉണ്ണികൃഷ്ണന് സംവിധാനം ചെയ്ത് മോഹന്ലാല് നായകനായെത്തിയ തിയേറ്ററുകളില് വിജയകരമായി പ്രദര്ശനം തുടരുകയാണ്. സിനിമ നെയ്യാറ്റിന്കര ഗോപന്റെ ആറാട്ടാണെന്നാണ് മോഹന്ലാല് ആരാധകര് പറയുന്നത്.
ഇപ്പോഴിതാ ചിത്രത്തിലെ സ്നീക്ക് പീക്ക് വീഡിയോ പുറത്തുവിട്ടിരിക്കുകയാണ് അണിയറപ്രവര്ത്തകര്. സൈന മൂവീസിന്റെ യൂട്യൂബ് ചാനലിലൂടെയാണ് വീഡിയോ പങ്കുവെച്ചിരിക്കുന്നത്.
ഇതിന് മുന്പ് പുറത്തിറങ്ങിയ മോഹന്ലാല് ചിത്രമായ ബ്രോ ഡാഡിയിലെ സ്നീക്ക് പീക്ക് വീഡിയോകള്ക്കും ഏറെ ആരാധകരാണുണ്ടായിരുന്നത്.
ഫെബ്രുവരി 18നാണ് ആറാട്ട് തിയേറ്ററുകളിലേക്കെത്തിയത്. അതേസമയം, ആറാട്ടിനെ അഭിനന്ദിച്ച് സംവിധായകന് അരുണ് ഗോപിയടക്കമുള്ളവര് രംഗത്തുവന്നിരുന്നു. സിനിമ അവകാശപ്പെടുന്നതുപോലെ ഒരു അണ്റിയലിസ്റ്റിക് എന്റര്ടെയ്ന്മെന്റാണെന്നും നിരാശപ്പെടുത്തില്ലെന്നും അരുണ് ഗോപി കുറിച്ചു.
നെയ്യാറ്റിന്കര ഗോപന് എന്ന കഥാപാത്രത്തെയാണ് മോഹന്ലാല് ചിത്രത്തില് അവതരിപ്പിച്ചത്. നെടുമുടിവേണു, സായ്കുമാര്, വിജയരാഘവന്, സിദ്ദിഖ് എന്നിവരുള്പ്പെടെ നിരവധി മലയാളതാരങ്ങള് അണിനിരന്ന ചിത്രത്തില് സംഗീത സംവിധായകന് എ.ആര്. റഹ്മാന്, തെലുങ്കു താരം രാമചന്ദ്രറാവു എന്നിവരുടെ സാന്നിധ്യവും ശ്രദ്ധ നേടിയിരുന്നു.