ഞാന് ജാക്സണല്ലടാ എന്ന ഗാനം ഹിറ്റായതിനു പിന്നാലെ “അമ്പിളി”യിലെ മറ്റൊരു മനോഹര ഗാനം കൂടി പുറത്തിറങ്ങി. “ആരാധികേ…” എന്നു തുടങ്ങുന്ന പ്രണയ ഗാനത്തിന്റെ ലെറിക്കല് വീഡിയോയാണ് പുറത്തിറങ്ങിയത്. സൂരജ് സന്തോഷും മധുവന്തിയും ചേര്ന്ന് ആലപിച്ചിരിക്കുന്ന ഗാനത്തിന്റെ വരികള് വിനായക് ശശികുമാറിന്റേതാണ്. വിഷ്ണു വിജയ്യുടേതാണ് സംഗീതം.
ഗാനത്തിന് മികച്ച സ്വീകാര്യതായാണ് ലഭിച്ചു കൊണ്ടിരിക്കുന്നത്. പുറത്തിറങ്ങി മണിക്കൂറുകള് മാത്രം പിന്നിടുമ്പോല് പാട്ടിന് മൂന്ന് ലക്ഷത്തിന് മേല് കാഴ്ച്ചക്കാരായി. ട്രെന്ഡിംഗിലും ഗാനം സ്ഥാനം നേടിയിട്ടുണ്ട്. ഗപ്പിയ്ക്ക് ശേഷം ജോണ് പോള് സംവിധാനവും തിരക്കഥയും ഒരുക്കുന്ന ചിത്രമാണിത്. അമ്പിളിയുടെ ടീസറിന് സിനിമാരംഗത്തുനിന്നും പ്രേക്ഷകരില് നിന്നും മികച്ച പ്രതികരണമാണ് ലഭിച്ചത്.
ദേശീയ സൈക്ലിംഗ് ചാംപ്യനായ ബോബിക്ക് സ്വീകരണമൊരുക്കുന്ന അമ്പിളിയുടെയും നാട്ടുകാരുടെയും കഥയാണ് സിനിമ പറയുന്നത്. പുതുമുഖമായ തന്വി റാം ആണ് നായിക. നസ്രിയയുടെ സഹോദരനും സിനിമയില് പ്രധാനവേഷത്തിലുണ്ട്.